ఫ్లాప్ దర్శకుడితో నితిన్ కామెడీ పాలిటిక్స్

యువ హీరో నితిన్ బాక్సాఫీస్ వద్ద సక్సెస్ అందుకొని చాలాకాలమయింది. ఒక విధంగా అతని కెరీర్లో ఒక సినిమా సక్సెస్ అయితే ఆ తర్వాత కొన్ని సినిమాలు ఫ్లాప్ అవుతున్నాయి. ఎన్ని జాగ్రత్తలు తీసుకున్నా కూడా నితిన్ తన సక్సెస్ రేటును కంటిన్యూ చేయలేకపోతున్నాడు. ఇక తదుపరి సినిమాతో మాత్రం ఎలాగైనా సక్సెస్ అందుకోవాలని కష్టపడుతున్నాడు. ప్రస్తుతం మాచర్ల నియోజకవర్గం సినిమా చేస్తున్న విషయం తెలిసిందే.

కొత్త దర్శకుడు తెరకెక్కిస్తున్న ఈ సినిమాలో నితిన్ ఒక ఐఏఎస్ ఆఫీసర్ గా కనిపించబోతున్నట్లు తెలుస్తోంది. అంతేకాకుండా ఈ సినిమాలో రాజకీయాల అంశాలు కూడా ఉంటాయట. అయితే ఈ సినిమా తరువాత కూడా నితిన్ చేయబోయే మరో సినిమా కూడా రాజకీయ అంశాలతోనే హైలెట్ కాబోతునట్లు సమాచారం. కాకపోతే మాచర్ల నియోజకవర్గం సినిమాకు అది కాస్త విభిన్నంగా ఉండబోతున్నట్లు తెలుస్తోంది.

ఆ సినిమాను డైరెక్ట్ చేసేది మరెవరో కాదు అల్లు అర్జున్ తో 'నా పేరు సూర్య నా ఇల్లు ఇండియా' అనే సినిమా తో డిజాస్టర్ అందుకున్న వక్కంతం వంశీ.

ఈ దర్శకుడు మొదట రచయితగా తెలుగు చిత్ర పరిశ్రమలో తనకంటూ ఒక ప్రత్యేకమైన గుర్తింపును అందుకున్న విషయం తెలిసిందే. సురేందర్ రెడ్డి కెరీర్లో దాదాపు అన్ని హిట్ సినిమాలకు అతనే కథ అందించాడు. కిక్ రేసుగుర్రం ఇప్పుడు రాబోతున్న ఏజెంట్ సినిమాకు కూడా కథను అందించాడు.

ఇరచయితగా టెంపర్ అతనికి మంచి గుర్తింపు లభించింది. ఇక ఇప్పుడు నితిన్ సినిమా కోసం ఈ రచయిత ఒక పవర్ఫుల్ కథను సిద్ధం చేసుకోవడమే కాకుండా కమర్షియల్ అంశాలు ఆడియెన్స్ ను ఆకట్టుకునేలా కూడా జాగ్రత్తలు తీసుకుంటున్నట్లు తెలుస్తోంది.

సినిమాలో పాలిటిక్స్ ఉంటాయి కానీ అందులోనే కామెడీ మిక్స్ చేయబోతున్నట్లు సమాచారం. కామెడీ పాలిటిక్స్ సినిమాలు ఇది వరకే చాలా వచ్చాయి. కానీ వక్కంతం వంశీ మంచి అనుభవం ఉన్న రైటర్ కాబట్టి కొత్తగా ఏదైనా చూపించే అవకాశం అయితే ఉంది. మరి ఆ సినిమా ఎలాంటి సక్సెస్ ని అందుకుంటుందో చూడాలి.