డిన్నర్ మొత్తం కీర్తినే లాగించేసిందని కంప్లైంట్ చేసిన నితిన్ - దేవిశ్రీ..!

యువ హీరో నితిన్‌ - కీర్తి సురేశ్‌ జంటగా నటిస్తున్న ''రంగ్‌ దే'' రేపు శుక్రవారం విడుదల కానుంది. 'తొలిప్రేమ' 'మిస్టర్ మజ్ను' చిత్రాల దర్శకుడు వెంకీ అట్లూరి ఈ సినిమాని తెరకెక్కిస్తున్నాడు. పీడీవీ ప్రసాద్ సమర్పణలో సితార ఎంటర్‌టైన్మెంట్స్ బ్యానర్‌ పై సూర్యదేవర నాగవంశీ ఈ చిత్రాన్ని నిర్మిస్తున్నారు.

ఈ సినిమాకు సంబంధించి గ్రాండ్ రిలీజ్ ఈవెంట్ ని రాజమహేంద్రవరంలో బుధవారం ఘనంగా నిర్వహించారు. రాజమండ్రిలో 'రంగ్ దే' ఈవెంట్ సక్సెస్ అయిందని తెలుపుతూ మ్యూజిక్ డైరెక్టర్ దేవిశ్రీప్రసాద్ ఓ వీడియో షేర్ చేశాడు.

ఈ సందర్భంగా రాజమండ్రి హోటల్ లో నైట్ డిన్నర్ మొత్తం కీర్తి సురేష్ తినేసిందని నితిన్ - వెంకీ అట్లూరి - దేవి ఈ వీడియో ద్వారా కంప్లైంట్ చేసారు. 'వివాహ భోజనంబు వింతైన వంటకంబు..' అంటూ వీరు పాడుతుండగా.. ఇవేమీ పట్టించుకోకుండా కీర్తి సురేష్ ఫుడ్ లాగించేస్తూ కనిపిస్తుంది. దీంతో ముగ్గురూ బస్‌స్టాండే బస్‌స్టాండే ఇక బతుకే బస్‌స్టాండే అంటూ ముగ్గురూ పాడుకుంటూ నీరసించి పోయారు. ఇలా భిన్నంగా సినిమాని ప్రమోట్ చేస్తూ అల్లరల్లరి చేస్తున్న 'రంగ్ దే' టీమ్ రేపు థియేటర్స్ లో ఆడియన్స్ ఎలా అలరిస్తారో చూడాలి.

ఇకపోతే ఇప్పటికే విడుదలైన 'రంగ్ దే' చిత్ర ట్రైలర్ మంచి స్పందన తెచ్చుకుంది. అలానే దేవీ శ్రీ ప్రసాద్ అందించిన పాటలు సంగీత ప్రియులను మరింత ఆకట్టుకున్నాయి. ఈ చిత్రానికి లెజెండరీ సినిమాటోగ్రాఫర్ పి.సి.శ్రీరామ్ కెమెరామన్‌ గా వ్యవహరించారు. నవీన్ నూలి ఎడిటింగ్ వర్క్ చేస్తున్నారు. ఈ చిత్రంలో సీనియర్ నరేష్ - వినీత్ - రోహిణి - కౌసల్య - బ్రహ్మాజీ - వెన్నెల కిషోర్ - సత్యం రాజేష్ - అభినవ్ గోమటం - సుహాస్ - గాయత్రి రఘురామ్ తదితరులు ఇతర పాత్రలు పోషిస్తున్నారు.

All Our DINNER being eaten by One Person.. ANU..