RRR: నిత్యా మీనన్ కు ఆఫర్ వచ్చిందా?

రాజమౌళి దర్శకత్వంలో తెరకెక్కుతున్న భారీ బడ్జెట్ చిత్రం 'RRR' కు సంబంధించిన విశేషాలు తెలుసుకోవాలని దేశవ్యాప్తంగా సినీ ప్రియులు ఎంతో ఇంట్రెస్ట్ చూపిస్తున్నారు. దీంతో గతంలో ఎన్నో రూమర్లు హల్చల్ చేసేవి. రాజమౌళి కొద్దిరోజుల క్రితం ప్రెస్ మీట్ పెట్టి సినిమాలో చరణ్.. ఎన్టీఆర్ పాత్రలు... ఇతర నటీనటుల వివరాలు వెల్లడించడంతో దాదాపు చాలా స్పెక్యులేషన్లకు తెరపడింది. ఇదిలా ఉంటే రీసెంట్ గా ఈ సినిమా నుండి బ్రిటిష్ నటి డైసీ ఎడ్గర్ జోన్స్ తప్పుకోవడంతో మరోసారి అ పాత్రకు ఎవరిని ఎంపిక చేస్తారనే విషయంపై జోరుగా చర్చలు సాగుతున్నాయి.

రాజమౌళి డైసీ స్థానంలో మరో నటిని ఎంచుకునేందుకు తీవ్రంగా కసరత్తు చేస్తున్నాడట. రాజమౌళి మరో బ్రిటిష్ నటిని ఎంచుకుంటారని మొదట్లో అందరూ అనుకున్నారు కానీ బ్రిటిష్ నటీమణుల పేర్లకు బదులుగా బాలీవుడ్ హీరోయిన్ల పేర్లు వినిపిస్తున్నాయి. పరిణీతి చోప్రా.. శ్రద్ధా కపూర్ ల పేర్లను రాజమౌళి పరిశీలిస్తున్నాడని టాక్ వినిపిస్తోంది. ఇదిలా ఉంటే తాజాగా టాలెంటెడ్ నటి నిత్యా మీనన్ కు రాజమౌళి టీమ్ నుండి కాల్ వచ్చిందట. దీంతో నిత్యా బెంగళూరు నుండి హైదరాబాద్ కు వచ్చి స్కీన్ టెస్ట్ కు హాజరయిందని సమాచారం. అయితే డైసీ స్థానంలో నిత్యాను తీసుకునేందుకు స్క్రీన్ టెస్ట్ చేశారా లేదా మరో పాత్రకు స్క్రీన్ టెస్ట్ జరిగిందా అనేది ఇంకా తెలియదు.

RRR లాంటి క్రేజీ ప్రాజెక్టులో కీలకపాత్ర అంటే అది నిత్యకు జాక్ పాట్ అని చెప్పవచు. ఒకవేళ ఎన్టీఆర్ సరసన నటించే పాత్ర అయితే మాత్రం నిత్యకు అది డబల్ జాక్ పాట్ అనడంలో సందేహమే లేదు. త్వరలోనే ఈ విషయంపై క్లారిటీ వచ్చే అవకాశం ఉంది.