అ! చిన్నది భలే నవ్వేసింది

సక్సెస్ ఫుల్ హీరోగా హ్యాట్రిక్ ల మేడలు కడుతున్న న్యాచురల్ స్టార్ నాని పక్కన ఎవరికి తెలియకుండా ప్రొడక్షన్ బిల్డింగ్ ని కూడా స్టార్ట్ చేశాడు. తన సపోర్ట్ లో ఒక సినిమాను స్టార్ట్ చేసి చివరికి అది 80% పూర్తయ్యేవరకు చెప్పకుండా సర్పరైజ్ భారీగానే ఇచ్చాడు. రీసెంట్ గా ''అ!'' అనే ఆ సినిమా ఫస్ట్ లుక్ ని రిలీజ్ చేసిన సంగతి తెలిసిందే. అయితే టైటిల్ లొనే ఎన్నో ఊహలను రేపిన నాని అందులో మంచి తారాగణాన్నే సెట్ చేశాడు.

ప్రశాంత్ అనే యువ దర్శకుడు తెరకెక్కిస్తోన్న ఈ సినిమాకి నాని - రవి తేజ వాయిస్ ఓవర్ ఇస్తోన్న సంగతి తెలిసిందే. అంతే కాకుండా శ్రీనివాస్ అవసరాల - రెజీనా - ప్రియదర్శ్ - ఈషా రెబ్బా - మురళి శర్మ - రోహిణి - దేవదర్శిని - కాజల్ అగర్వాల్ వంటి తారలు సినిమాలో నటిస్తున్నారు. ఇకపోతే సౌత్ చిన్నది నిత్యా మీనన్ సినిమాలో లీడ్ రోల్ చేస్తోంది. రీసెంట్ ఆ బ్యూటీ ఫస్ట్ లుక్ ని చిత్ర యూనిట్ రిలీజ్ చేసింది.

నిత్యా మీనన్ అందం గురించి ప్రత్యేకంగా పొగడక్కర్లేదు. ఆమె అందం ఎలా ఉంటుందో అందరికి తెలిసిందే. ముఖ్యంగా ఆమె నవ్వు గురించి వివరించాలంటే పదాలు సరిపోవు. అయితే అలాంటి నవ్వునే అ! ఫస్ట్ లుక్ లో చూపించేసింది. క్యూట్ స్మైల్ తో మొత్తం అందరి చూపును తన వైపు తిప్పుకుంది. ఇక ఆమెకు అన్ని వర్గాల నుండి అభిమానులు ఉన్నారు. దీంతో సోషల్ మీడియాలో ఆ పోస్టర్ చాలా వైరల్ అవుతోంది. ఫస్ట్ లుక్ లొనే ఇలా ఉందంటే సినిమాలో ఇంకెంత క్యూట్ గా ఉంటుందో ఈ చిన్నది.