మహానటి పాత్ర కోసం ట్యాలెంటెడ్ బ్యూటీ

సినిమా తెరపై మహా నటి సావిత్రి. ఆ బిరుదుకు మరెవరూ ఇప్పటివరకూ పోటీ పడ్డం కాదు.. అలా అనిపించుకునేందుకు కూడా భయపడ్డారు. అలాంటి మహానటి పాత్రలో నటించేందుకు ఇప్పుడో యంగ్ బ్యూటీకి ఆఫర్ వెళ్లినట్లు టాక్ వినిపిస్తోంది. గతంలో డర్టీ పిక్చర్ భామ విద్యా బాలన్ ను అడిగారనే మాటలు వినిపించినా.. అప్పట్లోనే వీటిని ఖండించారు. యంగ్ డైరెక్టర్ నాగ్ అశ్విన్.. ఇప్పుడు సావిత్రి పాత్ర పోషించేందుకు సరైన నటినే అప్రోచ్ అయ్యాడట.

సావిత్రి పాత్రకు నిత్యామీనన్ అయితే సరిగా సరిపోతుందని అనుకుంటున్నాడట నాగ్ అశ్విన్. పైగా సావిత్రిని ద్విభాషా చిత్రంగా మలచనుండడంతో.. పలు భాషల్లో క్రేజ్ ఉన్న హీరోయిన్ ని తీసుకోక తప్పని పరిస్థితి. అలాంటి టైమ్ లో నిత్య తప్ప వేరే ఆప్షన్ కూడా డైరెక్టర్ కి దొరకలేదట. ఆమెకు నెరేషన్ కూడా వినిపించేయగా.. సబ్జెక్ట్ విషయంలో నాగ్ అశ్విన్ చేసిన రీసెర్చ్ ఆమె చాలా ఆశ్చర్యపోయిందని తెలుస్తోంది.

తన పాత్ర వరకు పక్కాగా చూసుకుని సినిమాకు గ్రీన్ సిగ్నల్ ఇచ్చే నిత్యామీనన్.. సావిత్ర రోల్ కు అంగీకరించడంపై ప్రస్తుతం ఆలోచనలో పడిందని అంటున్నారు. త్వరలో ఏ విషయం చెబ్తానని డైరెక్టర్ నాగ్ అశ్విన్ కు చెప్పినా.. సావిత్రిగా కనిపించేందుకు నిత్య సిద్ధమవుతోందని టాక్. మహానటి సావిత్రిపై తెరకెక్కుతున్న మూవీలో నిత్యామీనన్ లాంటి ట్యాలెంటెడ్ హీరోయిన్ నటిస్తే.. ఆ ప్రాజెక్టుకి మరింత క్రేజ్ రావడం ఖాయమే.