మొత్తానికి బంగారం లైన్‌ లోకొచ్చింది

మ‌ణిర‌త్నం ద‌ర్శ‌క‌త్వంలో ఓకే బంగారం చిత్రంలో న‌టించింది నిత్యామీన‌న్‌. ఆ సినిమాలో నిత్యా క్యూట్ ఎక్స్‌ ప్రెష‌న్స్ టాక్ ఆప్ ది ఇండ‌స్ర్టీ అయ్యాయి. నిత్యా ఏ సినిమాలో న‌టించినా ఆ సినిమాకి త‌నే పెద్ద అస్సెట్ అవుతుంది. ఒకే బంగారం విజ‌యంలో నిత్యా పాత్ర ఎంత‌మాత్రం విస్మ‌రించ‌లేనిది. ఆ త‌ర్వాత త్రివిక్ర‌మ్ ద‌ర్శ‌క‌త్వంలో బ‌న్ని స‌ర‌స‌న స‌న్నాఫ్‌ స‌త్య‌మూర్తి సినిమాలో ఓ కీల‌క పాత్ర‌లో న‌టించింది. ఉపేంద్ర‌కు చెల్లెలిగా క‌డ‌ప బాంబులాగా న‌టించి ఆక‌ట్టుకుంది. అయితే రెండు వ‌రుస బ్లాక్‌ బ‌స్ట‌ర్ల త‌ర్వాత నిత్యా మ‌ళ్లీ తెలుగులో క‌నిపించిందే లేదు. వేరొక సినిమాకి సంత‌కం చేసిందే లేదు. ఇది కూడా టాక్ ఆఫ్ ది ఇండ‌స్ర్టీనే.

ప్ర‌స్తుతం ఈ అమ్మ‌డు సందీప్ కిష‌న్ స‌ర‌స‌న న‌టిస్తోంది. గాయ‌కుడు రాజ‌సింహా ద‌ర్శ‌కుడుగా మారి తెర‌కెక్కిస్తున్న ఈ సినిమా టైటిల్ -`ఒక్క అమ్మాయి త‌ప్ప‌`. ఇందులో నిత్యా ప్ర‌ధాన నాయిక‌గా న‌టిస్తోందా? లేక ఎలాంటి క్యారెక్ట‌ర్‌ లో న‌టిస్తోంది? అన్న‌ది పూర్తిగా రివీల్ కాలేదు. సందీప్ చెబుతున్న ప్ర‌కారం కీల‌క‌పాత్ర‌లో న‌టిస్తోంది అన్న ఇన్‌ ఫ‌ర్మేష‌న్ మాత్రం ఉంది. ఇకపోతే 'ఒక అమ్మాయి' అనే టైటిల్‌ పాత్రనే నిత్య పోషిస్తోంది సందీప్‌ ఈరోజు ఉదయం కన్పాం చేశాడు. ఇదే చిత్రంలో మ‌రాఠా న‌టుడు - రేసుగుర్రం ఫేం ర‌వికిష‌న్ ఓ కీల‌క‌పాత్ర పోషిస్తున్నాడు. మొత్తానికి నిత్యా గ్యాప్ త‌ర్వాత తెలుగు తెరపై సందీప్ స‌ర‌స‌న న‌టిస్తోంది అనమాట. అయితే ఈ సినిమా ప్ర‌స్తుతం ఆన్‌ సెట్స్ ఉంది. సంక్రాంతి బ‌రిలో రిలీజ్‌ కి రెడీ అవుతుందేమో చూడాలి.