ఆ ఒక్క అమ్మాయి నిత్యా మీననే!!

వెంకటాద్రి ఎక్స్ ప్రెస్ తో ఫాంలోకి వచ్చి.. మళ్లీ వెనుకబడ్డాడు సందీప్ కిషన్. ఈ ఏడాది ఈ కుర్రహీరో టైగర్ ఒక్కదాన్నే రిలీజ్ చేయగలిగాడు. అది కూడా పెద్దగా వర్కవుట్ కాకపోయినా.. తర్వాత ఓ ప్రాజెక్ట్ స్టార్ట్ చేశాడు. రాజసింహ డైరెక్ట్ చేస్తున్నఈ మూవీ టైటిల్.. ఒక అమ్మాయి తప్ప.

టైటిల్ ఎఫెక్ట్ అని చెప్పలేం కానీ.. ఈ మూవీలో హీరోయిన్ తప్ప అన్ని కేరక్టర్లు ఫైనల్ అయ్యాయి. ఇప్పటికే షూటింగ్ కూడా స్టార్ట్ చేసేశారు. సందీప్ కిషన్ - రవి కిషన్ కాంబినేషన్ లో పలు సన్నివేశాలను కూడా తెరకెక్కించారు. మరి ఆ ఒక్క అమ్మాయి ఎవరో తేలాలి కదా. అందుకే.. రీసెంట్ గా నిత్యా మీనన్ ని అప్రోచ్ అయ్యాడట డైరెక్టర్. నిత్యామీనన్ ని ఒప్పించడం అంత తేలికేం కాదు. కేరక్టర్ బాగుంటే ఒక సీన్ లో అయినా చేసే నిత్య.. నచ్చకపోతే మాత్రం ఎంత రెమ్యూనరేషన్ ఇస్తానన్నా ఒప్పుకోదు. అయితే.. సందీప్ కిషన్ మూవీలో చేసేందుకు నిత్య ఓకె అనిందని తెలుస్తోంది. కాకపోతే ఇంకా ఫైనల్ కాలేదు.

ఒకవేళ నిత్యా ఒప్పుకుందంటే మాత్రం.. ఈప్రాజెక్ట్ కి క్రేజ్ పెరగడం ఖాయమనే చెప్పాలి. మరోవైపు రెజీనాతో కలిసి సందీప్ కిషన్ చేసిన తమిళ మూవీ రిలీజ్ కి రెడీ అవుతోంది. వీటి తరువాత పిజ్జా చిత్ర నిర్మాతలకు ఓ మూవీ చేయనున్నాడు సందీప్ కిషన్.