Begin typing your search above and press return to search.
'బ్లడీ మేరీ' తో టాలెంటెడ్ బ్యూటీ డిజిటల్ ఎంట్రీ..!
By: Tupaki Desk | 7 Feb 2022 11:30 AM GMT
'మెంటల్ మదిలో' సినిమాతో టాలీవుడ్ లో ఎంట్రీ ఇచ్చిన అందాల భామ నివేదా పేతురాజ్.. విభిన్నమైన పాత్రలతో తెలుగు ప్రేక్షకులను ఆకట్టుకుంది. 'చిత్ర‌ల‌హ‌రి' 'బ్రోచేవారెవరురా' చిత్రాలతో మంచి గుర్తింపు తెచ్చుకుని.. 'అల వైకుంఠపురములో' మూవీలో సెకెండ్ హీరోయిన్‌ గా న‌టించింది. ఆ తర్వాత 'రెడ్' 'పాగల్' వంటి సినిమాలలో నటించిన పేతురాజ్.. త్వరలో 'విరాటపర్వం' చిత్రంతో పలకరించబోతోంది. ఈ క్రమంలో ఇప్పుడు అమ్మడు ''బ్లడీ మేరీ'' అనే మూవీతో డిజిటల్ ఎంట్రీ ఇవ్వడానికి రెడీ అయింది.
నివేదా పేతురాజ్ ప్రధాన పాత్రలో నటించిన ''బ్లడీ మేరీ'' చిత్రానికి సంబంధించిన అధికారిక ప్రకటన సోమవారం వెలువడింది. 'కార్తికేయ' 'ప్రేమమ్' 'సవ్యసాచి' వంటి చిత్రాలతో తనకంటూ ప్రత్యేకమైన గుర్తింపు తెచ్చుకున్న టాలెంటెడ్ డైరెక్టర్ చందు మొండేటి.. ఈ వెబ్ మూవీతో ఓటీటీ స్పేస్ లో ఎంటర్ అవుతున్నారు. తెలుగు ఓటీటీ ఫ్లాట్ ఫార్మ్ ఆహాలో త్వరలోనే ఈ మూవీ విడుదల కానుంది.
తాజాగా విడుదలైన 'బ్లడీ మేరీ' ఫస్ట్ లుక్ పోస్టర్ లో నివేదా పేతురాజ్ కోపంగా ఇంటెన్స్ గా చూస్తూ కనిపిస్తోంది. ఆమె ప్రపంచంతో పోరాడేంత శక్తిమంతమైన మహిళ అని.. చెడ్డ వాళ్లకు ఆమె మహా చెడ్డదని ఇందులో చెప్పబడింది. మేరీని కలవడానికి.. కలిసి తన గురించి తెలుసుకోడానికి సిద్ధంగా ఉండండని మేకర్స్ పేర్కొన్నారు. నివేదా ఒక వైవిధ్యమైన పాత్రతో ఓటీటీ స్క్రీన్ మీదకు రాబోతోందని పోస్టర్ చూస్తే అర్థం అవుతోంది.
మేరీ తనలోని లోపాలను అధిగమించి, తనకెదురైన సమస్యలతో ఎలా పోరాటం చేసింది?.. తన వారిని రక్షించుకోవడానికి ఎంత దూరం వెళ్ళిందన్నదే ఆసక్తికరమైన పాయింట్ తో దర్శకుడు చెందు మొండేటి ''బ్లడీ మేరీ'' చిత్రాన్నిసస్పెన్స్ థ్రిల్లర్ గా రూపొందించారని తెలుస్తోంది. ఇందులో కిరిటీ దామరాజు - రాజ్ కుమార్ కసిరెడ్డి - బ్రహ్మాజీ - అజయ్ తదితరులు కీలక పాత్రలు పోషించారు.
ఆహా ఓటీటీ కోసం ‘కుడిఎడమైతే’ వంటి సక్సెస్ ఫుల్ వెబ్ సీరిస్ ను అందించిన పీపుల్స్ మీడియా ఫ్యాక్టరీ సంస్థ ''బ్లడీ మేరీ'' చిత్రాన్ని రూపొందించింది. టి. జి. విశ్వ ప్రసాద్‌ నిర్మించిన ఈ సినిమాకు వివేక్ కూచిబొట్ల సహ నిర్మాతగా వ్యవహరించారు. కీరవాణి తనయుడు కాలభైరవ సంగీతం సమకూర్చారు. కార్తీక్ ఘట్టమనేని సినిమాటోగ్రఫీ అందించగా.. విప్లవ్ ఎడిటింగ్ వర్క్ చేసారు. త్వరలో ఆహాలో స్ట్రీమింగ్ కాబోతున్న ఈ సినిమాతో చెందు మొండేటి - నివేదా పేతురాజ్ ఓటీటీ ఎంట్రీ ఎలా ఉండబోతుందో చూడాలి.
నివేదా పేతురాజ్ ప్రధాన పాత్రలో నటించిన ''బ్లడీ మేరీ'' చిత్రానికి సంబంధించిన అధికారిక ప్రకటన సోమవారం వెలువడింది. 'కార్తికేయ' 'ప్రేమమ్' 'సవ్యసాచి' వంటి చిత్రాలతో తనకంటూ ప్రత్యేకమైన గుర్తింపు తెచ్చుకున్న టాలెంటెడ్ డైరెక్టర్ చందు మొండేటి.. ఈ వెబ్ మూవీతో ఓటీటీ స్పేస్ లో ఎంటర్ అవుతున్నారు. తెలుగు ఓటీటీ ఫ్లాట్ ఫార్మ్ ఆహాలో త్వరలోనే ఈ మూవీ విడుదల కానుంది.
తాజాగా విడుదలైన 'బ్లడీ మేరీ' ఫస్ట్ లుక్ పోస్టర్ లో నివేదా పేతురాజ్ కోపంగా ఇంటెన్స్ గా చూస్తూ కనిపిస్తోంది. ఆమె ప్రపంచంతో పోరాడేంత శక్తిమంతమైన మహిళ అని.. చెడ్డ వాళ్లకు ఆమె మహా చెడ్డదని ఇందులో చెప్పబడింది. మేరీని కలవడానికి.. కలిసి తన గురించి తెలుసుకోడానికి సిద్ధంగా ఉండండని మేకర్స్ పేర్కొన్నారు. నివేదా ఒక వైవిధ్యమైన పాత్రతో ఓటీటీ స్క్రీన్ మీదకు రాబోతోందని పోస్టర్ చూస్తే అర్థం అవుతోంది.
మేరీ తనలోని లోపాలను అధిగమించి, తనకెదురైన సమస్యలతో ఎలా పోరాటం చేసింది?.. తన వారిని రక్షించుకోవడానికి ఎంత దూరం వెళ్ళిందన్నదే ఆసక్తికరమైన పాయింట్ తో దర్శకుడు చెందు మొండేటి ''బ్లడీ మేరీ'' చిత్రాన్నిసస్పెన్స్ థ్రిల్లర్ గా రూపొందించారని తెలుస్తోంది. ఇందులో కిరిటీ దామరాజు - రాజ్ కుమార్ కసిరెడ్డి - బ్రహ్మాజీ - అజయ్ తదితరులు కీలక పాత్రలు పోషించారు.
ఆహా ఓటీటీ కోసం ‘కుడిఎడమైతే’ వంటి సక్సెస్ ఫుల్ వెబ్ సీరిస్ ను అందించిన పీపుల్స్ మీడియా ఫ్యాక్టరీ సంస్థ ''బ్లడీ మేరీ'' చిత్రాన్ని రూపొందించింది. టి. జి. విశ్వ ప్రసాద్‌ నిర్మించిన ఈ సినిమాకు వివేక్ కూచిబొట్ల సహ నిర్మాతగా వ్యవహరించారు. కీరవాణి తనయుడు కాలభైరవ సంగీతం సమకూర్చారు. కార్తీక్ ఘట్టమనేని సినిమాటోగ్రఫీ అందించగా.. విప్లవ్ ఎడిటింగ్ వర్క్ చేసారు. త్వరలో ఆహాలో స్ట్రీమింగ్ కాబోతున్న ఈ సినిమాతో చెందు మొండేటి - నివేదా పేతురాజ్ ఓటీటీ ఎంట్రీ ఎలా ఉండబోతుందో చూడాలి.
