నివేద పెథురాజ్ .. బ్యూటీ ఇన్ బ్లాక్ ..!

త‌మిళ చిత్రం `ఓరు నాల్ కూతు`తో హీరోయిన్ గా ఎంట్రీ ఇచ్చింది నివేదా పేతురాజ్‌. మ‌దురైకి చెందిన‌ ఈ అందాల సోయ‌గం యంగ్ హీరో శ్రీ‌విష్ణు న‌టించిన `మెంట‌ల్ మ‌దిలో` చిత్రంతో తెలుగు ప్రేక్ష‌కుల్ని ప‌ల‌క‌రించింది. తొలి సినిమా మిశ్ర‌మ ఫ‌లితాన్ని అందించినా త‌న గ్లామ‌ర్ తో అవ‌కాశాల్ని ద‌క్కించుకుంది. సాయిధ‌ర‌మ్ తేజ్ తో `చిత్ర‌ల‌హ‌రి`,.. శ్రీ‌విష్ణు న‌టించిన `బ్రోచేవారెవ‌రురా` చిత్రాల‌తో తెలుగులో మంచి గుర్తింపుని సొంతం చేసుకుంది.

ఇక ఈ మూడు చిత్రాల త‌రువాత గురూజీ కంట్లో ప‌డి ఇండ‌స్ట్రీ హిట్ `అల వైకుంఠ‌పుర‌ములో` చిత్రంలో సెకండ్ హీరోయిన్ గా ఛాన్స్ ద‌క్కించుకుంది. రెడ్‌,.. పాగ‌ల్ చిత్రాల‌తో మంచి గుర్తింపుని సొంతం చేసుకున్న నివేదా ప్ర‌స్తుతం తెలుగులో రానా న‌టిస్తున్న‌`విరాట ప‌ర్వం`, చందూ మొండేటి తెర‌కెక్కిస్తున్న చిత్రాల్లో న‌టిస్తోంది. ఫేక్ బికినీ షో ఫొటోల‌తో నెట్టింట వైర‌ల్‌గా నిలిచిన నివేదా పేతురాజ్ గ్లామ‌ర్‌తో పాటు త‌న‌దైన మార్కు న‌ట‌న‌తో ప్ర‌త్యేక గుర్తింపుని సొంతం చేసుకోవాల‌నుకుంటోంది.

సోష‌ల్ మీడియాలో నిత్యం యాక్టీవ్ గా వుండే నివేదా తాజాగా షేర్ చేసిన ఫొటోలు ఆక‌ట్టుకుంటున్నాయి. నివేదా పేతురాజ్ మొత్తం బ్లాక్ గౌనులో అందంగా కనిపిస్తూ స‌ర్‌ప్రైజ్ చేస్తోంది. ఆల్ట్రా మోడ్ర‌న్ స్టైల్ లో స‌రికొత్త హెయిర్ స్టైల్ తో ఆక‌ట్టుకుంది. త‌న ఖరీదైన డైమండ్ చెవిపోగు మ‌రింత అందంగా మెరిసిపోతోంది. బ్లాక్ డ్రెస్ లో నివేదా పేతురాజ్ ని చూసిన వారంతా బ్యూటీ ఇన్ బ్లాక్ అంటూ కామెంట్ చేస్తున్నారు.