ఫస్ట్ లుక్: బట్టతలతో '101 జిల్లాల అందగాడు'.. 'బాలా' రీమేక్ కాదు కదా..?

నటుడిగా ఇండస్ట్రీలో అడుగుపెట్టి, ఆ తరువాత రైటర్ గా దర్శకుడిగా మారి మల్టీటాలెంటెడ్ అనిపించుకున్నాడు అవసరాల శ్రీనివాస్‌. ప్రస్తుతం ఆయన హీరోగా నటిస్తున్న సినిమా ''101 జిల్లాల అందగాడు''. 'చి.ల‌.సౌ' ఫేమ్‌ రుహ‌నీ శ‌ర్మ ఇందులో హీరోయిన్. అవసరాల శ్రీనివాస్‌ స్టోరీ అందిస్తున్న ఈ చిత్రానికి రాచకొండ విద్యాసాగర్ దర్శకత్వం వహిస్తున్నాడు. దిల్ రాజు - క్రిష్ సమర్పణలో శ్రీవెంక‌టేశ్వ‌ర క్రియేష‌న్స్‌ - ఫ‌స్ట్ ఫ్రేమ్ ఎంట‌ర్‌టైన్‌మెంట్స్ బ్యానర్స్ పై శిరీష్ - వై.రాజీవ్ రెడ్డి -జె.సాయిబాబు ఈ సినిమాని నిర్మిస్తున్నారు. తాజాగా '101 జిల్లాల అందగాడు' ఫస్ట్ లుక్ ను చిత్ర యూనిట్ విడుదల చేసింది.

ఫస్ట్ లుక్ పోస్టర్ లో ఒకచోట బట్టతలతో శసీరియస్ లుక్ లో ఉన్న అవసరాల శ్రీనివాస్ మరోచోట విగ్గు తగిలించుకొని నవ్వుతూ కనిపిస్తున్నాడు. రెండు రోజుల క్రితం అవసరాల శ్రీనివాస్ వల్ల తనకు అన్యాయం జరిగిందంటూ కో డైరెక్టర్ అతని బట్టతల బయటపెట్టిన వీడియో ఈ సినిమా ప్రచారంలో భాగంగా జరిగిందని ఈ ఫస్ట్ లుక్ తో క్లారిటీ వచ్చేసింది. అవసరాల ఇందులో గొత్తి సూర్య నారాయణ అనే పాత్రలో నటిస్తున్నాడు. త్వరలోనే టీజర్ ని రిలీజ్ చేయనున్నట్లు మేకర్స్ వెల్లడించారు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ వర్క్స్ జరుపుకుంటోంది. సమ్మర్ కానుకగా మే 7న '101 జిల్లాల అందగాడు' చిత్రాన్ని విడుదల చేయనున్నారు. అయితే ఫస్ట్ లుక్ చూసిన తర్వాత ఇది హిందీలో ఆయుష్మాన్ ఖురానా నటించిన 'బాలా' చిత్రానికి రీమేక్ అనే డౌట్ వ్యక్తం అవుతోంది. త్వరలోనే చిత్ర యూనిట్ దీనిపై స్పష్టత ఇస్తారేమో చూడాలి.