జాన్ లో యాక్షన్ కు స్కోపే లేదా?

ప్రభాస్ 'సాహో' తర్వాత రాధాకృష్ణ కుమార్ దర్శకత్వంలో ఒక సినిమా చేస్తున్న సంగతి తెలిసిందే. 'జాన్'(వర్కింగ్ టైటిల్) పేరుతో తెరకెక్కుతున్న ఈ సినిమా పీరియడ్ బ్యాక్ డ్రాప్ లో తెరకెక్కే ఒక లవ్ స్టోరీ అని ఇప్పటికే పలు ఇంటర్వ్యూలలో ప్రభాస్ వెల్లడించాడు. తాజాగా ఈ సినిమా గురించి మరో ఇంట్రెస్టింగ్ విషయాన్ని ప్రభాస్ ఫ్రెండ్.. హీరో గోపిచంద్ రివీల్ చేశాడు.

'జాన్' లో గోపిచంద్ విలన్ రోల్ లో నటిస్తున్నాడని ఈమధ్య కొన్ని వార్తలు వినిపించాయి. ఈ విషయాన్ని రీసెంట్ గా ఒక ఇంటర్వ్యూలో గోపిచంద్ ను అడిగితే అవన్నీ రూమర్స్ అని తేల్చాడు. ప్రభాస్ చేస్తున్న సినిమా ఒక లవ్ స్టోరీ అని.. అసలు విలన్ పాత్రలకు స్కోప్ లేదని.. ఫైట్లు కూడాఉండవని చెప్పాడు. అలాంటి సినిమాలో విలన్ పాత్ర నేనెలా చేయగలనని గోపిచంద్ తిరిగి ప్రశ్నించాడు. గోపీచంద్ వ్యాఖ్యలు నిజమైతే 'జాన్' లో పూర్తిగా యాక్షన్ పార్ట్ మిస్ అయినట్టే.

మరి ప్రభాస్ లాంటి పెద్ద స్టార్ హీరో సినిమాలో ఫైట్స్.. యాక్షన్ సీక్వెన్సులు లేకపోవడం ఫ్యాన్స్ ను కొంత నిరాశకు గురిచేసేదే. యాక్షన్ సీక్వెన్సులు లేకుండా.. విలన్లు లేకుండా ప్రేక్షకులను మెప్పించాలంటే ఇంటెన్స్ లవ్ స్టోరీ అయి ఉండాలి. మరి రాధాకృష్ణ కుమార్ డార్లింగ్ కోసం ఎలాంటి కథ రాసిపెట్టాడో ఏంటో..!