సెన్సేషన్: ఖైదీ ఆడియో ఫంక్షన్ క్యాన్సిల్?

మెగాస్టార్ కంబ్యాక్ మూవీ ఖైదీ నెంబర్ 150.. రీసెంట్ గా షూట్ కంప్లీట్ చేసుకుని.. పొంగల్ రిలీజ్ కి రెడీ అయిపోతోంది. ఇప్పటికే ప్రమోషన్స్ లో అగ్రెసివ్ గా ఉన్న మెగా టీం.. ఆడియో రిలీజ్ ఫంక్షన్ నిర్వహించేందుకు ఏర్పాట్లు చేసుకుంటున్నారని ఇప్పటివరకూ చెప్పారు. అయితే.. లేటెస్ట్ వినిపిస్తున్న మాటల ప్రకారం.. ఖైదీ నెంబర్ 150కి ఆడియో ఫంక్షన్ జరగడం లేదట.

పోస్ట్ పోన్ కూడా కాదని.. అసలు ఖైదీకి ఆడియో ఫంక్షన్ చేయబోవడం లేదని తెలుస్తోంది. ఎందుకు ఇలాంటి డెసిషన్ తీసుకున్నారో చెప్పలేదు కానీ.. ఆడియో రిలీజ్ ను క్యాన్సిల్ చేసిన డెసిషన్ అయితే పక్కా అంటున్నారు. అయితే.. సినిమా రిలీజ్ కి ముందు ప్రీ రిలీజ్ ఈవెంట్ నిర్వహిస్తారట. అల్లు అర్జున్ సరైనోడు.. రామ్ చరణ్ ధృవ కి జరిగినట్లుగా ప్రీ రిలీజ్ ఈవెంట్ ప్లాన్ చేస్తున్నారట.

అయితే.. ఖైదీ పాటల కోసం మాత్రం అప్పటివరకూ ఎదురుచూడాల్సిన పని లేదు. డిసెంబర్ 18 నుంచి మొదలు పెట్టి.. వరుసగా కొన్ని రోజుల గ్యాప్ తో పాటలన్నీ మార్కెట్లోకి ఇచ్చేయనున్నారని తెలుస్తోంది. మొదటగా 'అమ్మడు లెట్స్ డు కుమ్ముడు' అనే పాట మార్కెట్లోకి రానుండగా.. నెలాఖరు నాటికి అన్ని పాటలు మార్కెట్లోకి వచ్చేయనున్నాయి. కానీ ఖైదీ ఆడియో ఫంక్షన్ లో మెగా హీరోస్ అందరినీ ఒకే వేదికపై చూద్దామని ఆశించిన అభిమానులు మాత్రం ఈ విషయంలో డిజప్పాయింట్ అవుతున్నారు.

Like Us on Facebook : https://www.facebook.com/Tupakidotcom/