ఆ హీరోయిన్‌ తో మహేష్‌... నో ఛాన్స్‌

మహేష్‌ బాబు 'మహర్షి' చిత్రం విడుదలైన వెంటనే అనీల్‌ రావిపూడి దర్శకత్వంలో సినిమా చేయబోతున్న విషయం తెల్సిందే. ఒక వైపు మహేష్‌ బాబు 'మహర్షి' ఫైనల్‌ షూటింగ్‌ లో బిజీగా ఉండగా - ఇంకో వైపు అనీల్‌ రావిపూడి మహేష్‌ 26 చిత్రం కోసం ప్రీ ప్రొడక్షన్‌ వర్క్‌ చేస్తున్నాడు. ఈ సమయంలోనే మహేష్‌ బాబుకు జోడీగా నటించబోతున్న హీరోయిన్స్‌ విషయంలో చర్చలు జరుగుతున్నట్లుగా సమాచారం అందుతోంది. మొన్నటి వరకు సాయి పల్లవిని మహేష్‌ కు జోడీగా అనీల్‌ రావిపూడి ఎంపిక చేశాడంటూ వార్తలు వచ్చాయి. తాజాగా బాలీవుడ్‌ బ్యూటీ సోనాక్షి సిన్హాను మహేష్‌ కోసం సంప్రదిస్తున్నట్లుగా ప్రచారం జరుగుతుంది.

బాలీవుడ్‌ లో ఒకప్పుడు సోనాక్షి సిన్హా టాప్‌ హీరోయిన్‌ గా వెలుగు వెలిగింది. కాని ప్రస్తుతం ఆమె పరిస్థితి బాలీవుడ్‌ లో అంత ఆశాజనకంగా లేదు. పెద్దగా అవకాశాలు లేని సోనాక్షి చిన్న చిన్న సినిమాలను కూడా చేసేందుకు ఆసక్తి చూపుతుంది. అలాంటి ఔట్‌ డేటెడ్‌ హీరోయిన్‌ ను మహేష్‌ బాబుకు జోడీగా ఎట్టి పరిస్థితుల్లో ఎంపిక చేసే అవకాశం లేదని - అందుకు మహేష్‌ బాబు కూడా ఒప్పుకోక పోవచ్చు అంటూ ఫ్యాన్స్‌ అంటున్నారు.

మహేష్‌ కు జోడీగా సోనాక్షి అనే వార్తలు పూర్తిగా అవాస్తవం అయ్యి ఉంటాయనిపిస్తుంది. చాలా కాలం క్రితం మహేష్‌ తో సోనాక్షి సిన్హాకు ఒక సినిమా చేసే అవకాశం వచ్చింది. కాని అన్ని అనుకున్నట్లుగా జరగక పోవడంతో ఆ సినిమా పట్టాలెక్కలేదు. ఇప్పుడు మరోసారి సోనాక్షితో మహేష్‌ మూవీ అంటున్నారు. అనీల్‌ రావిపూడి నుండి మహేష్‌ 26 హీరోయిన్‌ విషయంలో క్లారిటీ వచ్చే వరకు ప్రతి రోజు ఏదో ఒక పేరు వస్తూనే ఉంటుంది. మరి అనీల్‌ ఎప్పటికి ఈ వార్తలకు ఫుల్‌ స్టాప్‌ పెడతాడో చూడాలి.