చిరు అండ్ పవన్.. ఇక లైట్ తీస్కోండి

అసలు ఎంపి సుబ్బిరామి రెడ్డి సీరియస్ గా ఒక సినిమాను ప్రకటించగానే.. అందరూ చాలా ఎక్సయిట్ అయిపోయారు. మనోడు ఎప్పుడైతే చిరంజీవిని ఒప్పించాను.. అలాగే తమ్మడు పవన్ కళ్యాణ్‌ తో కూడా మాట్లాడి ఒప్పించాను.. ఇద్దరూ ఓకె అన్నారు.. త్రివిక్రమ్ ను కథ రెడీ చేయమన్నాను.. సో త్వరలోనే ప్రాజెక్టు పట్టాలెక్కేస్తుంది అంటూ చెప్పగానే.. నిజంగానే ఈ 'మెగా మల్టీస్టారర్' వచ్చేస్తోందని అనుకున్నాం. కాకపోతే అసలు ఈ సినిమాకు పట్టాలెక్కే సీన్ కనిపించట్లేదు.

ఇప్పుడు పవన్ కళ్యాణ్ ఉన్నపలంగా తమిళ దర్శకుడు నీసన్ డైరక్షన్లో సినిమా చేయాల్సి ఉంది. కాని ఆ సినిమాను పక్కనెట్టేసి తివిక్రమ్ తో సినిమాను మొదలెట్టేశాడు. మరి ఈ సినిమా పూర్తయ్యాక ఖచ్చితంగా నీసన్ డైరక్షన్లో సినిమా.. అలాగే మైత్రి మేకర్స్ కు మరో సినిమా చేయాలి. ఇవన్నీ పూర్తయ్యేలోపు త్రివిక్రమ్ కొత్త కథతో రెడీగా ఉండాలి. అప్పుడే పవన్ అండ్ చిరంజీవి సినిమా పాజిబిలిటీ ఉండేది. ఇదంతా ఒకెత్తయితే.. అసలు పవన్ తో చేయడానికి చిరంజీవికి తీరిక ఉందా?

ప్రస్తుతం ఢిల్లీలో రాజ్య సభ సమావేశాలు ఎటెండ్ అవుతున్న చిరంజీవి.. వాటి తరువాత సురేందర్ రెడ్డి డైరక్షన్లో ''ఉయ్యాలవాడ నరసింహారెడ్డి'' సినిమాను మొదలెడుతున్నారు. ఆ తరువాత బోయపాటి శ్రీనుతో సినిమా చేయడానికి సిద్దపడుతున్నారు. సో ఆయనకు కూడా ఒక ప్రక్కన ఖాళీ ఉండే ఛాన్సే లేదు. ఆ లెక్కడ ఈ మెగా మల్టీస్టారర్ జస్ట్ హుష్‌ కాకి అనుకోవాల్సిందేగా.

Like Us on Facebook : https://www.facebook.com/Tupakidotcom/