బోయపాటి - లేదు క్లారిటీ

నందమూరి బాలకృష్ణతో సినిమా ఉంటుందని కొండంత ఆశతో ఎదురు చూస్తున్న బోయపాటి శీనుకి అనూహ్యంగా తనను హోల్డ్ లో పెట్టడంతో పెద్ద ఇరకాటంలోనే పడ్డాడు. అంతా సవ్యంగా ఉందనుకుంటున్న టైంలో సీన్ లోకి కెఎస్ రవికుమార్ ని తీసుకొచ్చి తనను కార్నర్ చేయడం శీను ఊహించనిది. ఇప్పుడు కూడా బాలయ్య సినిమా చేయను అనడం లేదు. కాకపోతే నచ్చేలా స్క్రిప్ట్ రెడీ చేయమంటున్నాడు అంతే.

ఇప్పుడు బోయపాటి నెక్స్ట్ ఎవరితో చేస్తాడు అనేది పెద్ద సస్పెన్స్ గా మారింది. ఆరెక్స్ 100 హీరో కార్తికేయతో ఓ సినిమా ప్లాన్ చేస్తున్నట్టుగా టాక్ వచ్చింది కానీ అది కార్యరూపం దాల్చే అవకాశాలు తక్కువ. అతను ఇప్పటికే నాలుగు సినిమాల కమిట్ మెంట్స్ తో బిజీగా ఉన్నాడు. సో పూర్తి స్క్రిప్ట్ రెడీ కాకుండా బోయపాటి కూడా వెంటనే అంత రిస్క్ చేయలేడు. పైగా డెబ్యూతో సహా ఒక్క బెల్లంకొండ సాయి శ్రీనివాస్ తప్పించి తాను డీల్ చేసిన అందరూ స్టార్ హీరోలే. ఈ నేపథ్యంలో ఇప్పుడు మీడియం రేంజ్ హీరోల వైపు షిఫ్ట్ అయితే తన మార్కెట్ మీద ప్రభావం పడుతుందేమో అన్న ఆలోచనలో బోయపాటి ఉన్నట్టు టాక్.

అందుకే కొంత లేట్ అయినా ఇంకో స్టార్ నుంచి పిలుపు వచ్చే దాకా ఆగి చూచే ధోరణి అవలంబించాలని అనుకుంటున్నట్టుగా సమాచారం. ఇదంతా తేలడానికి ఇంకొంత టైం అయితే పట్టేలా ఉంది. వినయ విధేయ రామ ఫలితం బోయపాటి మీద చాలా ప్రాభవం చూపించింది. నింద మొత్తం తనే భరించాల్సి వచ్చింది. సాలిడ్ గా తన స్థాయి బ్లాక్ బస్టర్ కొడితే తప్ప శీనుకి మళ్ళి అవకాశాలు క్యూ కట్టవు. కాకపోతే హీరో ఎవరు దొరుకుతారు అనేదే భేతాళ ప్రశ్న