రెయిడ్ లో ఇల్లీ దాడి ఇల్లే!!

బాలీవుడ్ కి ప్రస్తుత జనరేషన్ కథలు బాగా బోర్ కొట్టేసినట్లుగా ఉంది. అందుకే అక్కడ రియలిస్టిక్ సినిమాలు ఎక్కువగా వస్తున్నాయి. 80-90ల కాలం నాటి సంఘటనలను కథలుగా మార్చేసి తెగ తెరకెక్కించేస్తున్నారు. రీసెంట్ గా రిలీజ్ అయిన అజయ్ దేవగన్ మూవీ రెయిడ్ కూడా 80ల కాలం నాటి సంఘటనల నుంచి స్టార్ట్ చేసి.. తాజాగా జరిగిన కొన్నిటి వరకూ కలిపి మొత్తం గుదిగుచ్చి.. ఇన్ కం ట్యాక్స్ రెయిడ్స్ థీమ్ తో రూపొందించారు. మూవీ బాగుందంటూ రేటింగులు బాగానే వస్తున్నాయి.

ఈ చిత్రం ద్వారా తను క్రేజీ హీరోయిన్ అయిపోతానని తెగ ఆశలు పెట్టుకుంది గోవా బ్యూటీ ఇలియానా. సౌత్ నుంచి నార్త్ కు జంప్ అయిన ఈ సుందరి ఖాతాలో.. హిట్టు హిందీ సినిమాలు ఉన్నాయి కానీ.. వాటి సక్సెస్ లు ఈమెకు అసలే మాత్రం ఉపయోగపడడం లేదు. ఇప్పుడు రెయిడ్ కూడా ఈ కోవలేకే చేరేట్లుగా ఉంది. సినిమాలో ఇలియానా రోల్ ఏమీ లేకపోవడం అందరినీ ఆశ్చర్యపరిచింది. తెలుగులో కమర్షియల్ సినిమాల్లో కనిపించే హీరోయిన్స్ కంటే.. మరీ దారుణంగా ఉందట ఈమె రోల్.

ఇలా పాటల్లో రావడం.. హీరోతో రొమాన్స్ చేసుకోవడం.. కాసేపు హీరోగారితో రాసుకుపూసుకు తిరగడం.. ఇవి మినహాయిస్తే ఇల్లీకి చేయడానికి ఏమీ లేదు. కాకపోతే.. ఆ పాటలు మెలోడీ ట్రాక్స్ కావడం ఒక్కటే కాసింత ఊపిరి పీల్చుకోవాల్సిన విషయం. మరి ఇలాంటి రోల్స్ తో ఇల్లీ ఏం సాధించాలనో?