జోష్ ఎక్కడ జెర్సీ

న్యాచురల్ స్టార్ నానికి జెర్సి సక్సెస్ కావడం చాలా అవసరం. గత ఏడాది కృషార్జున యుద్ధం డిజాస్టర్ తో పాటు దేవదాస్ బిలో యావరేజ్ ఫలితాన్ని అందుకోవడం అభిమానులను కలవరపెట్టింది. దానికి తోడు బిగ్ బాస్ 2 షో విషయంలో నానిపై జరిగిన ట్రాలింగ్ ఏకంగా ఇంకో సీజన్ చేయకూడదని నిర్ణయం తీసుకునేలా చేసింది. అందుకే జెర్సి మాములు హిట్ కాదు బ్లాక్ బస్టర్ అయితే తప్ప ఆ లోటు తీరదు.

బిజినెస్ డీల్స్ బాగానే ఉన్నాయన్న వార్తలు వస్తున్నాయి కానీ ఇలాంటి సినిమాలకు కీలకంగా ఉండాల్సిన మ్యూజిక్ మరీ గొప్పగా ఏమి లేదనే ఫీడ్ బ్యాక్ ఫాన్స్ ని టెన్షన్ పెడుతోంది. కారణం లేకపోలేదు. అనిరుద్ రవిచందర్ మొదటి మూవీ అజ్ఞాతవాసి ఫలితం తెలిసిందే. ఓ రెండు పాటలు తప్ప టైటిల్ సాంగ్ తో కలిపి ఏ ట్యూనూ తన స్థాయికి తగ్గట్టు ఇవ్వలేకపోయాడు

దానికి తోడు తన వాయిస్ కంపోజింగ్ చేసే తీరు అంతా తమిళ్ స్టైల్ లో ఉంటుంది,. ఇప్పుడు ఇదే మైనస్ అవుతుందా అనే భయం అయితే అభిమానుల్లో ఉంది. మల్టీ లాంగ్వేజ్ గా తమిళ్ లో కూడా ఒకేసారి విడుదల చేస్తుండటంతో అనిరుద్ రవిచందర్ ను తీసుకున్నారు అనే పాయింట్ సరైనదే అయినప్పటికీ ట్యూన్స్ పరంగా వెలువడుతున్న అభిప్రాయాలు కొంచెం డివైడ్ గా ఉండటం ఆలోచించాల్సిన విషయం. స్పిరిట్ అఫ్ జెర్సి పేరుతో వచ్చిన కొత్త ట్రాక్ కూడా ఏదో జోష్ తో ఉన్నట్టు అనిపిస్తుంది కానీ రిథమ్ మరీ గొప్పగా లేదన్న మాట నిజం. మొత్తం ఆల్బమ్ వచ్చాక ఫైనల్ కంక్లూజన్ కు రావొచ్చు కానీ అప్పటి దాకా వెయిటింగ్ తప్పదు