పంది పిల్ల సినిమా ఏమైనట్లో!!

ఓ పంది పిల్లను లీడ్ కేరక్టర్లో పెట్టి సినిమా తీసేస్తున్నానని చెప్పాడు రవిబాబు. దాదాపు ఏడాది క్రితమే ఈ సినిమా షూటింగ్ పూర్తయిపోయిందని కూడా చెప్పాడు. గ్రాఫిక్స్ అవీ కంప్లీట్ చేసేస్తున్నామని త్వరలో రిలీజ్ అని కూడా అనౌన్స్ చేశాడీ దర్శకుడు. మళ్లీ ఈ మూవీ సంగతి ఏమైందో తెలీదు. మధ్యమధ్యలో ఆ పందిపిల్లను ఎత్తుకుని జనాల్లో తిరుగుతూ రవిబాబు హంగామా కూడా చేశాడు.

ఆ మధ్య పెద్ద నోట్లను రద్దు చేసినపుడు.. పందిపిల్లను ఎత్తుకుని మరీ ఏటీఎం క్యూ లైన్లో నుంచుని అందరినీ ఆశ్చర్యపరిచాడు. ఇది జరిగి కూడా ఐదు నెలలు కావస్తోంది. మళ్లీ ఆ తర్వాత ఈ మూవీ సంగతులు ఏమీ తెలియవు. వస్తుందో రాదో.. అసలు పూర్తయిందో లేదో కూడా తెలియదు. ఈగను హీరోగా పెట్టి సినిమా ఆడినప్పుడు పందితో ప్రయోగం చేద్దామని భావించి ఉంటాడు రవిబాబు. అది ఓకే కానీ.. అక్కడ రాజమౌళి బ్రాండ్ పని చేసి సినిమాకి ఎలాంటి అడ్డంకులు రాలేదు.

మరి రవిబాబు తీసిన పందిపిల్ల సినిమాకి అసలే కష్టాలు వచ్చాయో కూడా అర్ధం కాని పరిస్థితి. ఎప్పుడు ఈ పంది పిల్ల తెరపైకి వస్తుందో? అసలు విడుదలయ్యే లోపు ఆ పంది పిల్ల పెద్దదయిపోతే.. అప్పుడు ఏం చూపించి ప్రచారం చేస్తాడో అర్ధం కాని విషయం. ఏదైనా రవిబాబు చెబ్తే గదా అసలు విషయం తెలియడానికి.

Like Us on Facebook : https://www.facebook.com/Tupakidotcom/