స్వీటీకి నామినేషన్ పడలేదే.. టూమచ్

ఈ ఏడాది టాలీవుడ్ బిగ్గెస్ట్ హీరోయిన్ ఎవరంటే.. అనుష్క పేరు మాత్రమే చెప్పాలి. మరి బాహుబలి లాంటి ప్రెస్టీజియస్ మూవీలో చేసింది. రుద్రమదేవితో ఫిమేల్ లీడ్ రోల్ ను సూపర్బ్ గా పండించేసింది. రిలీజ్ అయిన రెండు సినిమాల్లో ఒకటి బ్లాక్ బస్టర్, మరొకటి సూపర్ హిట్.

ఇంత హిట్స్ కొట్టాక.. ఆ హీరోయిన్ కి ఎన్నో అవార్డులు వచ్చేస్తాయని ఎక్స్ పెక్ట్ చేయడం సహజం. కానీ ఇప్పుడు జరగనున్న ఐఐఎఫ్ ఏ అవార్డుల విషయంలో అనుష్కకు కనీసం నామినేషన్ కూడా పడలేదంటే ఆశ్చర్యం వేయక మానదు. బాహుబలికి సంబంధించి బెస్ట్ యాక్ట్రెస్ నామినీని తమన్నా తన్నుకుపోయింది. బెస్ట్ సపోర్టింగ్ యాక్ట్రెస్ నామినేషన్ రమ్యక్రిష్ణకు దక్కింది.

ఇక రుద్రమదేవి విషయానికి వస్తే.. ఈ అవార్డ్ ఫంక్షన్ అనౌన్స్ చేసిన డేట్స్ ప్రకారం.. అసలు రుద్రమదేవిని కన్సిడర్ చేయలేదు. దీంతో ఒకటంటే ఒక్క అవార్డ్ కి కూడా అనుష్కకి నామినేషన్ పడలేదు. టాప్ హిట్స్ రెండు కొట్టి, సైజ్ జీరోతో సోలో హిట్ కొట్టేందుకు రెడీ అవుతున్నా.. అవార్డుల విషయంలో అనుష్క వెనకబడ్డం ఆశ్చర్యకరమే.

ఇక సైజ్ జీరోని డిఫరెంట్ గా ప్రమోట్ చేస్తుండడంతో.. ఈ మూవీకి బోలెడంత హైప్ పెరిగిపోయింది. ఒంటి చేత్తోనే బంపర్ హిట్ కొట్టి.. స్వీటీ స్టేజ్ ఏంటో ఇతర హీరోయిన్స్ కి చాటి చెప్పే అవకాశాలు పుష్కలంగా ఉన్నాయి. మరోవైపు బాహుబలి2 కోసం కూడా సన్నబడిపోనుంది అనుష్క. ఇక ఐఐఎఫ్ ఏ అవార్డ్ అనుష్కకి వచ్చే అవకాశం లేదు కానీ.. మిగిలిన వాటిలో పోటీ ఇవ్వడం కూడా కష్టమే అంటున్నారు టాలీవుడ్ జనాలు.