నారా ఒకడు.. క్లిక్ అయినట్లున్నాడు

డిఫరెండ్ కాస్సెప్టులను ఎంచుకోవడంలో నారా రోహిత్ కి మంచి టేస్ట్ ఉంది. ఈ ఏడాది ప్రారంభంలో ఒకట్రెండు రొటీన్ సినిమాలు బోర్ కొట్టించాయ్ కానీ.. జ్యో అచ్యుతానందతో ట్రాక్ లోకి వచ్చేసిన నారా రోహిత్.. తాజా రిలీజ్ అప్పట్లో ఒకడుండేవాడు చిత్రంతో మరో హిట్ కొట్టినట్లే అంటున్నారు ట్రేడ్ జనాలు.

ఈ వారం రిలీజ్ అయిన మూవీస్ లో అప్పట్లో ఒకడుండేవాడు చిత్రానికి మాత్రమే మంచి టాక్ వచ్చింది. రివ్యూలు కూడా పాజిటివ్ గా ఉండడంతో కలెక్షన్స్ కూడా ఊపందుకుంటున్నాయి. గత వారం.. ఈ వారం సినిమాల రిలీజ్ ఎక్కువగా ఉండడంతో.. ఈ చిత్రానికి ఎక్కువ స్క్రీన్స్ కేటాయించలేదు డిస్ట్రిబ్యూటర్లు. కానీ తొలిరోజున వచ్చిన రెస్పాన్స్ చూసే సరికి.. రెండో రోజుకల్లా మల్టీ ప్లెక్సులు.. సింగిల్ స్క్రీన్లతో పాటు.. ఓవర్సీస్ లో థియేటర్స్ కౌంట్ పెంచడం విశేషం.

సంక్రాంతి వచ్చేవరకూ మరే చిత్రం రిలీజ్ లేకపోవడంతో.. బాక్సాఫీస్ దగ్గర నారా రోహిత్ మూవీ బంపర్ హిట్ అయ్యే ఛాన్సులు పుష్కలంగా కనిపిస్తున్నాయి. ఇప్పుడున్న సినిమాల నుంచి పోటీ కూడా లేకపోవడంతో.. అప్పట్లో ఒకడుండేవాడు మూవీతో.. 2016ను నారా రోహిత్ సక్సెస్ తో ముగించాడని చెప్పుకోవాలి.

Like Us on Facebook : https://www.facebook.com/Tupakidotcom/