వైరల్: ఇందులో బాలయ్య - ట్రంప్ సేమ్ టు సేమ్

అమెరికా అధ్యక్షుడు డొనాల్డ్ భారత పర్యటన ఇప్పుడు హాట్ టాపిక్. వైరల్ న్యూస్. వివాదాస్పద దర్శకుడు రాంగోపాల్ వర్మ సైతం ట్రంప్ టూర్ పై తనదైన శైలిలో సెటైర్ల వర్షం కురిపిస్తున్నాడు.ఇక ట్రంప్ పర్యటనకు నెటిజన్లు ఊరుకుంటారా.. వారు కూడా తెగ ఆడేసుకుంటున్నారు. ట్రంప్ తన ప్రసంగంలో మాట్లాడలేకపోయిన పదాలతో ఇప్పటికే ట్రోలింగ్స్ చేస్తున్నారు.

తాజాగా అమెరికా అధ్యక్షుడు డొనాల్డ్ ట్రంప్ కు, టాలీవుడ్ అగ్ర హీరో నందమూరి బాలక్రిష్ణకు నెటిజన్లు ముడిపెట్టారు. ఓ విషయంలో వీరిద్దరూ సేమ్ టు సేమ్ అంటూ ట్రోల్స్, మీమ్స్ తో కామెంట్లు పెడుతున్నారు. దీనికి సంబంధించిన ఓ ఫొటో ఒకటి ఇప్పుడు సోషల్ మీడియాలో వైరల్ గా మారింది.

ఇంతకీ బాలయ్యకు, ట్రంప్ కు సరిపోలింది ఏంటో తెలుసా.? వారి వారి సంతకాలు.. భారత పర్యటనకు వచ్చిన ట్రంప్ గాంధీజీ సబర్మతి ఆశ్రమాన్ని సందర్శించి సందర్శకుల పుస్తకంలో దాన్ని కొనియాడుతూ రాసి చివర్లో సంతకం పెట్టారు. అలాగే తాజ్ మహల్ సందర్శించి కూడా ‘వావ్’ అంటూ కొనియాడి సంతకం చేశారు.

ట్రంప్ సంతకాలు సోషల్ మీడియాలో చూసిన నెటిజన్లు వాటిని బాలక్రిష్ణ సంతకాలతో పోలుస్తున్నారు. వీరిద్దరూ సంతకాలు ఒకలాగా ఉన్నాయని.. వీరిద్దరి సంతకాలను ఎవరూ కాపీ చేయలేరు.. ఫోర్జరీ చేయలేరంటూ తమదైన క్రియేటివిటీని జొప్పించి కామెంట్లు పెడుతున్నారు.