మెగా కుమ్ముడులో.. 'తమ్ముడు' పవనేనా?

మెగాస్టార్ చిరంజీవి కం బ్యాక్ మూవీ ఖైదీ నంబర్ 150పై.. ఇండస్ట్రీలో బజ్ నానాటికీ పెరిగిపోతోంది. అమ్మడు లెట్స్ డు కుమ్ముడు అంటూ ఆడియో సాంగ్ ని నెట్ లో రిలీజ్ చేస్తే.. ఇప్పటికి ఆ పాటకు వచ్చిన వ్యూస్ 40లక్షలను దాటిపోయాయి. ఒక రీజనల్ మూవీ ఆడియో సాంగ్ కి ఈ రేంజ్ లో వ్యూస్ రావడం సెన్సేషన్లకే సెన్సేషన్. ఆ సంగతలా ఉంచితే.. ఈ పాటలో ఓ లైన్ ని ప్రత్యేకంగా చెప్పుకుంటున్నారు టాలీవుడ్ జనాలు.

'తమ్ముడూ.. లెట్స్ డు కుమ్ముడు' అంటూ మధ్యలో చిరు స్వయంగా చెప్పిన లైన్ వినిపిస్తుంది. ఇదే అసలు పాయింట్ అయిపోయింది. చిరు ఆ మాట చెప్పిన తర్వాత.. సాంగ్ లో వచ్చే మ్యూజిక్ బీట్ కూడా మారిపోవడాన్ని గమనించచ్చు. దాన్ని బేస్ చేసుకుని.. ఇక్కడ తమ్ముడు లెట్స్ డు కుమ్ముడూ అంటూ.. పవర్ స్టార్ పవన్ కళ్యాణ్ కి చిరంజీవి చెప్పారంటున్నారు. అందుకే స్పెషల్ మ్యూజిక్ కొట్టాడట డీఎస్పీ. మెగాస్టార్ తో పాటు పవర్ స్టార్ కూడా కలిసి.. కొంత సేపు స్టెప్పులు వేసి ఇరగదీయనున్నారట.

ఇప్పటికే ఖైదీ నంబర్ 150 షూటింగ్ కి గుమ్మడి కాయ కొట్టేయగా.. మరి ఇప్పటికే పవన్ తో డ్యాన్స్ సీక్వెన్స్ పిక్చరైజ్ చేసేశారా.. ఇప్పుడు తీయనున్నారా.. అసలు తమ్ముడు పవన్ ఇలా అన్నయ్య చిరంజీవితో కలిసి స్టెప్పులేసేందుకు సరే అన్నాడా అనే విషయంలో మాత్రం.. ఖైదీ యూనిట్ క్లారిటీ ఇవ్వడం లేదు. ఆన్ స్క్రీన్ పై ఎంజాయ్ చేయమని చెప్పేసి తప్పించుకోవడం చూస్తుంటే.. ఈ అనుమానాలు నిజమే అనిపించేస్తున్నాయి.


Like Us on Facebook : https://www.facebook.com/Tupakidotcom/