బాలయ్యకు సీక్వెల్ కథ ఇవ్వరట

కోలీవుడ్ హీరో విక్రమ్ కు మాస్ ఇమేజ్ తెచ్చిపెట్టిన చిత్రం సామి. దాదాపు పదిహేనేళ్ల క్రితం వచ్చిన ఈ మూవీ విక్రమ్ ను స్టార్ చేసేసింది. అప్పట్లో విక్రమ్ కు ఇక్కడ ఎలాంటి ఇమేజ్ లేకపోవడంతో అసలు డబ్బింగ్ ఆలోచనే చేయలేదు. దాంతో సామి రీమేక్ రైట్స్ తీసుకుని బాలకృష్ణతో లక్ష్మీనరసింహ మూవీ తీశారు. మంచి మాస్ ఎలిమెంట్స్ ఉన్న మూవీ కావడంతో ఇక్కడా హిట్టయింది.

ఇన్నేళ్ల తరవాత తమిళంలో సామి సినిమాకు సీక్వెల్ వస్తోంది. సామి స్క్వేర్ పేరుతో వస్తున్న మూవీ ట్రయిలర్ బాగానే ఆకట్టుకుంది. ఫస్ట్ పార్ట్ లో ఆల్రెడీ బాలయ్య నటించడంతో సామి స్క్వేర్ కూడా రీమేక్ లో కూడా ఆయనే నటిస్తాడని ఫ్యాన్స్ ఎక్స్ పెక్ట్ చేశారు. కానీ విక్రమ్ రీమేక్ రైట్స్ ఇవ్వడానికి ఇష్టపడలేదట. అపరిచితుడు తెలుగులోనూ విక్రమ్ కు ఇమేజ్ వచ్చింది. కానీ తరవాత వచ్చిన సినిమాలతో అది కాస్తా మసకబారింది. మళ్లీ సామి స్క్వేర్ తన తన ఇమేజ్ నిలబెడుతుందని విక్రమ్ ఆశపడుతున్నాడట. అందుకే డైరెక్ట్ గానే రిలీజ్ చేసుకుంటానని రీమేక్ రైట్స్ అడిగిన వాళ్లకు తేల్చి చెప్పేశాడు.

సింగం సిరీస్ సినిమాలతో మెప్పించిన హరి సామి స్క్వేర్ సినిమాకు డైరెక్టర్. మహానటితో తెలుగు ప్రేక్షకులందరినీ మెప్పించిన కీర్తి సురేష్ ఇందులో హీరోయిన్ గా నటించింది. సామి స్క్వేర్ ను తమిళంతోపాటు తెలుగు - హిందీల్లోనూ డబ్బింగ్ చేసి రిలీజ్ చేయడానికి ఆ మూవీ నిర్మాతలు రెడీ అవుతున్నారు.