ఎన్టీఆర్‌ బర్త్‌ డే స్పెషల్‌ లేనట్లేనా?

ఎన్టీఆర్‌ 30 సినిమా దర్శకుడు మారాడు. త్రివిక్రమ్ దర్శకత్వంలో చేయాలనుకున్న సినిమా కాకుండా కొరటాల శివ దర్శకత్వంలో ఎన్టీఆర్‌ తన 30 సినిమాను చేయాలని నిర్ణయించుకున్నాడు. అందుకు సంబంధించిన షూటింగ్‌ కార్యక్రమాలు సమ్మర్‌ తర్వాత మొదలు పెట్టే అవకాశం ఉంది. ప్రస్తుతం ఎన్టీఆర్‌ ఆర్‌ ఆర్‌ ఆర్‌ సినిమాలో నటిస్తున్నాడు. షూటింగ్‌ కొన్ని కారణాల వల్ల ఆలస్యం అవుతూనే ఉంది. ఈ నెలలో షూటింగ్‌ పూర్తి అయ్యే అవకాశం ఉందని మొదట వార్తుల వచ్చినా కూడా మళ్లీ కొన్నాళ్ల సమయం పట్టే అవకాశం ఉందని యూనిట్‌ సభ్యులు అనధికారికంగా అంటున్నారు. ఇక వచ్చే నెలలో ఎన్టీఆర్‌ పుట్టిన రోజు సందర్బంగా రాజమౌళి ఆర్‌ ఆర్‌ ఆర్‌ నుండి మరో టీజర్‌ ను వదులుతాడా అంటూ అభిమానులు ఎదురు చూస్తున్నారు.

ఇటీవల రామ్‌ చరణ్‌ బర్త్‌ డే సందర్బంగా టీజర్‌ ను విడుదల చేయకుండా కేవలం ఒక పోస్టర్‌ ను మాత్రమే విడుదల చేయడం జరిగింది. ఈ సినిమాలో ఇద్దరు హీరోలకు సమానమైన ప్రాముఖ్యత ఇస్తున్నారు. కనుక ఖచ్చితంగా ఎన్టీఆర్‌ బర్త్‌ డే కు స్పెషల్‌ పోస్టర్‌ విడుదల చేయడం జరుగుతుంది కాని స్పెషల్‌ టీజర్‌ మాత్రం వచ్చే అవకాశం లేదని తేల్చేశారు. ఇక కొరటాల శివ దర్శకత్వంలో రూపొందబోతున్న ఎన్టీఆర్‌ 30 సినిమాకు సంబంధించిన ఫస్ట్‌ లుక్‌ ను కూడా విడుదల చేస్తారేమో అంటూ అభిమానులు ఎదురు చూస్తున్నారు.

ఎన్టీఆర్‌ 30 మొదలు అవ్వడంకు కాస్త సమయం పట్టే అవకాశం ఉంది. కనుక వచ్చే బర్త్‌ డే కు ఎన్టీఆర్‌ ఫస్ట్‌ లుక్‌ ను రివీల్‌ చేయడం అనేది సాధ్యం కాకపోవచ్చు అంటున్నారు. అయితే ఎన్టీఆర్‌ బర్త్‌ డే సందర్బంగా కొరటాల శివ టైటిల్‌ ను అనౌన్స్‌ చేసే విషయమై ప్రయత్నాలు చేస్తున్నాడని అంటున్నారు. మొత్తానికి ఎన్టీఆర్‌ బర్త్‌ డే భారీ స్పెషల్‌ ప్లాన్స్‌ అయితే ఏమీ లేవని తేలిపోయింది.