ఊహించని విధంగా ఎలిమినేషన్ ప్రక్రియ..నామినేట్ అయిందెవరంటే..!

బిగ్ బాస్ హౌస్‌ లో గత ఆరు వారాలకి భిన్నంగా ఏడో వారంలో ఎలిమినేషన్ ప్రక్రియ కొనసాగింది. ఓ సీక్రెట్ అతిథి ఈ ఎలిమినేషన్ ప్రక్రియని చేపట్టారు. ఈ ఎలిమినేషన్ ప్రక్రియ కంటే ముందు వినాయక చవితి సందర్భంగా ఇంటి సభ్యులకు బిగ్ బాస్ పువ్వులు - పండ్లు - స్వీట్స్ పంపారు. దీంతో అందరూ చక్కగా ముస్తాబై పండుగ చేసుకున్నారు. అనంతరం ఇంటి సభ్యులందరూ ఒకరి తరవాత ఒకరు గార్డెన్ ఏరియాలో ఉన్న ఒప్పో జోన్‌ లోని కెమెరా ముందుకొచ్చి ఒక అగరబత్తిని వెలిగించి మీ కోరికను వినాయకుడికి తెలియజేయాల్సి ఉంటుందని బిగ్ బాస్ తెలిపారు.

దీంతో ఇంటి సభ్యులు ఒకరి తర్వాత ఒకరు వచ్చి తమ కోరికలని చెప్పుకున్నారు. కొందరు పైకి గట్టిగా చెప్పగా... కొందరు లోపల కోరుకున్నారు. ఇక బాబా భాస్కర్ అయితే తమిళంలో ఏదో కోరేసుకున్నారు. ఈ కార్యక్రమం తర్వాత అసలు షో మొదలైంది. బిగ్ బాస్ ఎలిమినేషన్ నామినేషన్ ప్రక్రియ మొదలుపెడుతూ... మొదట రవి - అలీలని కన్ఫెషన్ రూములోకి పిలుస్తారు. అక్కడ ఒక లేడీ చీకట్లో కూర్చుని వారితో మాట్లాడుతూ...ఎలిమినేషన్ ఓ ఇద్దరి పేర్లని నామినేట్ చేయాలని చెబుతుంది. దీంతో అలీ రాహుల్‌ ని - రవి మహేష్‌ ను నామినేట్ చేస్తారు.

ఆ తర్వాత వచ్చిన హిమజ రాహుల్ ని - శివజ్యోతి మహేశ్ లని నామినేట్ చేస్తారు. అలాగే పునర్నవి రవిని - వితిక అలీని నామినేట్ చేశారు. ఇక రాహుల్ శ్రీముఖిని - మహేశ్ అలీని నామినేట్ చేయగా - బాబా భాస్కర్ అలీని - శ్రీముఖి రాహుల్ ని నామినేట్ చేశారు. ఇక చివరిగా కెప్టెన్ వరుణ్ అలీ - రవిలని నామినేట్ చేశాడు. ఇలా చీకట్లో మాట్లాడి ఎలిమినేషన్ ప్రక్రియని చేపట్టిన ఆమె ఎవరో కాదు ప్రముఖ యాంకర్ శిల్పా చక్రవర్తి. ఆమె వైల్డ్ కార్డు ఎంట్రీ ద్వారా హౌస్ లోకి అడుగుపెట్టింది. ఇక అడుగుపెట్టిన వెంటనే ఆమె కూడా ఓ ఇద్దరు పేర్లని ఎలిమినేషన్ కి చెప్పాలని కోరడంతో...శిల్పా అలీ - శ్రీముఖి పేర్లని చెప్పింది. దీంతో ఈ వారం ఎలిమినేషన్లో అలీ - మహేశ్ - రాహుల్ - రవి - శ్రీముఖిలు ఉన్నారు.