ట్రైలర్ టాక్: జర్నలిస్ట్ నూర్ ను కలవండి

వెరైటీ సినిమాలను తీయడంలో బాలీవుడ్ ముందే ఉంది. అదే విధంగా నవలలపై ఆధారపడి కూడా వారు సినిమాలను బాగానే తీస్తున్నారు. ఇప్పుడు హీరోయిన్ సోనాక్షి సిన్హా కూడా అలాంటి ఒక సినిమాతో ముందుకొస్తోంది. పాకిస్తానీ జర్నలిస్ట సబా ఆజాద్ రాసిన ''కరాచిః యు ఆర్ కిల్లింగ్ మి'' అనే నవల ఆధారంగా.. ఇప్పుడు ''నూర్'' అనే సినిమాను రూపొందిచారు. ఈ సినిమా ట్యాగ్ లైన్.. 'ముంబయ్.. యు ఆర్ కిల్లింగ్ మి' అని పెట్టారు.

ఈ సినిమాలో ఒక రొటీన్ లైఫ్‌ లో బతుకుతున్న ఫిలిం జర్నలిస్ట్ నూర్ రాయ్ చౌదరి పాత్రలో సొనాక్షి సిన్హా కనిపిస్తోంది. ఎప్పుడూ వర్క్ వర్క్ అంటూ తిరుగుతూ ఉంటే.. ఒక బాయ్ ఫ్రెండ్ కూడా తనకు వర్కవుట్ కావట్లేదంటూ బాధపడుతూ ఉంటుంది. అయితే ఒకసారి చిన్న తప్పు చేయడంతో.. ఆమెను ఉద్యోగంలోనుండి తీసేస్తారు. అప్పుడు ఒక ఇన్వెస్టిగేటివ్ కేస్ ను టేకప్ చేస్తుంది నూర్. ఆ తరువాత ఏం జరుగుతుంది అనేదే సినిమా. సోనాక్షి సిన్హా కాస్త ఇంట్రెస్టింగ్ గానే నటించిందిలే. కాస్త హాటుగా కూడా కనిపించింది. మరి ఈ హీరోయిన్ సెంట్రిక్ సినిమాతో ఎంతవరకు హిట్టు కొడుతుందో చూడాలి.

సునిల్ సిప్పి దర్శకత్వంలో రూపొందిన ''నూర్'' సినిమా ఏప్రియల్ 21న రిలీజవుతోంది.



Like Us on Facebook : https://www.facebook.com/Tupakidotcom/