ప్రత్యేక గీతాలతో ప్రపంచాన్ని షేక్ చేస్తున్న బ్యూటీ

2015లో విడుదలైన ఎన్టీఆర్ టెంపర్ సినిమాలో ప్రత్యేక గీతంలో నర్తించి తెలుగుతెరకు పరిచయం అయింది మొరాకో కంట్రీ బ్యూటీ నోరా ఫతేహి. కెనడా దేశంలో పుట్టి పెరిగిన నోరా.. మొరాకో దేశ సంతతికి చెందినది. టెంపర్ తర్వాత బాహుబలి, కిక్ 2, ఊపిరి సినిమాలలో ప్రత్యేక గీతాలలో ఆడిపాడింది. అమ్మడి ఐటమ్ సాంగ్స్ అందాలకు ఫ్యాన్స్ బాగానే ఉన్నారు. డాన్సర్ గా, నటిగా, గాయనిగా సంచలనాలు సృష్టిస్తున్న నోరా.. ఇంస్టాగ్రామ్ లో సరికొత్త రికార్డు నెలకొల్పింది. మొరాకో దేశస్థురాలైన నోరా ఇంస్టాగ్రామ్ లో 13 మిలియన్ల ఫాలోయర్స్ తో సెంట్రల్ ఫిగర్ అయింది. ప్రపంచంలోనే అత్యధిక ఫాలోయింగ్ కలిగిన మొరాకో సెలబ్రిటీగా నోరా వార్తల్లో కెక్కింది. నోరా ఎప్పుడు కూడా తన డాన్స్ తో, నటనతో అభిమానులను నిరాశ పరచలేదు. నోరా ఏం చేసినా సోషల్ మీడియాలో వైరల్ అవుతుంది.

ఈ సందర్భంగా నోరా మాట్లాడుతూ.. "ఇంస్టాగ్రామ్ అనేది సోషల్ మీడియాలో చాలా పెద్ద నెట్వర్క్. ప్రపంచంలోనే 13మిలియన్స్ ఫాలోయింగ్ సాధించిన ఫస్ట్ మొరాకో సెలబ్రిటీగా చాలా ఆనందంగా ఉంది. ఈ గొప్ప రికార్డు సాధించడానికి కారణమైన నా అభిమానులకు, స్నేహితులు, నన్ను సపోర్ట్ చేస్తున్న సన్నిహితులు అందరికి నా హృదయపూర్వక కృతజ్ఞతలు' అని తెలిపింది. ప్రపంచం దృష్టిని తనవైపు తిప్పుకున్న నోరా ఫతేహి.. ప్రస్తుతం సోషల్ మీడియాలో హల్చల్ చేస్తుంది. నోరా ఫ్రెంచ్ మోడల్ మోంటానా తర్వాత స్థానంలో ఉంది. ప్రతిభకు అందం తోడైతే ఇలాగే ఉంటుందేమో.. నోరా మొదట సింగర్ గా రాణించి ఇప్పుడు ఏకంగా హిందీ, మలయాళం ఇండస్ట్రీలో కెరీర్ నెట్టుకొస్తోంది. కానీ ఐటమ్ సాంగ్స్ కే ప్రాధాన్యత కలిగిన ఈ బ్యూటీ నటనకు మాత్రం పనికిరాదని దర్శక నిర్మాతలు అవకాశం ఇవ్వడం లేదట. ప్రస్తుతం ఈ కరోనా వలన నోరా ఇంస్టాగ్రామ్ ని షేక్ చేస్తోంది.