వీరమల్లు కోసం మరో బాలీవుడ్‌ హాటీ?

పవన్‌ కళ్యాణ్ హీరోగా క్రిష్ దర్శకత్వంలో రూపొందుతున్న హరి హర వీరమల్లు సినిమా షూటింగ్‌ జెట్‌ స్పీడ్‌ తో సాగుతోంది. కరోనా ఇతర కారణాల వల్ల సినిమా వాయిదాల మీద వాయిదాలు పడుతూ వచ్చింది. గత ఏడాదిలోనే షూటింగ్ పూర్తి అవ్వాల్సి ఉన్నా కూడా ఇంకా పూర్తి అవ్వలేదు. ఇన్నాళ్ల ఆలస్యంను దర్శకుడు క్రిష్ కవర్ చేసేందుకు స్పీడ్‌ గా చిత్రీకరణ చేస్తున్నట్లుగా సమాచారం అందుతోంది.

హరి హర వీరమల్లు సినిమాలో ఇస్మార్ట్ బ్యూటీ నిధి అగర్వాల్‌ కీలక పాత్రలో నటిస్తున్న విషయం తెల్సిందే. పవన్ తో కలిసి నటించడం అదృష్టంగా భావిస్తున్నాను అంటూ ఆమె ప్రతి ఇంటర్వ్యూలో కూడా చెప్పుకొచ్చింది. ఇక బాలీవుడ్‌ కు చెందిన హాట్‌ బ్యూటీ నపూర్ సనన్ కీలక పాత్రలో నటిస్తున్నట్లుగా ఇప్పటికే చిత్ర యూనిట్‌ సభ్యులు క్లారిటీ ఇచ్చారు. తాజాగా మరో బాలీవుడ్‌ హాట్‌ బ్యూటీ కూడా ఈ సినిమాలో కనిపించబోతుందట.

టాలీవుడ్‌ వర్గాల నుండి అందుతున్న సమాచారం ప్రకారం నోరా ఫతేహి ని ఈ సినిమాలోని కీలక పాత్ర కోసం ఎంపిక చేశారని తెలుస్తోంది. ఆమె ప్రత్యేక పాటలో కనిపించడంతో పాటు కొన్ని సన్నివేశాల్లో కూడా ఉంటుందని అంటున్నారు. పాన్ ఇండియా రేంజ్ లో ఈ సినిమాను విడుదల చేయాలని భావిస్తున్నారు కనుక పెద్ద ఎత్తున బాలీవుడ్‌ స్టార్ కాస్ట్‌ ను ఈ సినిమాలో నటింపజేస్తున్నారు.

హీరోయిన్ గా నిధి అగర్వాల్‌ నటిస్తుండగా ఇతర హీరోయిన్స్ సినిమాలో కీలక పాత్రల్లో కనిపించబోతున్నారు. పవన్ కళ్యాన్ మొదటి సారి నటిస్తున్న పీరియాడిక్‌ డ్రామా సినిమా ఇది అవ్వడం వల్ల అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా తనదైన శైలిలో దర్శకుడు క్రిష్ ఈ సినిమాను తెరకెక్కిస్తున్నాడు.

గతంలో ఎప్పుడు కూడా పవన్ ను ఇలాంటి సినిమాలో చూడలేదు.. కనుక పవన్ అభిమానులతో పాటు ప్రతి ఒక్కరు హరి హర వీరమల్లు సినిమా కోసం వెయిట్‌ చేస్తున్నారు. వీరమల్లు సినిమా చిత్రీకరణ ఆగస్టు వరకు పూర్తి చేసే అవకాశాలు కనిపిస్తున్నాయి. గ్రాఫిక్స్ వర్క్‌ కు కాస్త ఎక్కువ సమయం పట్టనుందట.

వచ్చే ఏడాది ఆరంభంలో విడుదల అయ్యే అవకాశాలు ఉన్నాయని మెజార్టీ వర్గాల వారు అభిప్రాయం వ్యక్తం చేస్తున్నారు. అయితే ఇప్పటి వరకు విడుదలకు సంబంధించి ఎలాంటి క్లారిటీ కూడా యూనిట్‌ సభ్యుల నుండి రాలేదు. పవన్‌ గత చిత్రం భీమ్లా నాయక్‌ మంచి విజయాన్ని సొంతం చేసుకున్న నేపథ్యంలో ఈ సినిమా పై అంతకు మించిన అంచనాలు ఉన్నాయి.