ఖాన్ తో బాహుబలి భామ చిందులు

బాలీవుడ్ లో ఖాన్ త్రయానికి ఏ రేంజ్ డిమాండ్ ఉందో అందరికీ తెలిసిందే. సరైన హిట్ అయితే మాత్రం ఆ ఖాన్ లకు ఏమాత్రం తీసిపోడు సైఫ్ ఆలీ ఖాన్. కాకపోతే ఓపెనింగ్స్ లో ఆ రేంజ్ ఉండదంతే. కానీ ఈ హీరోకి ఉన్న డిమాండ్ - క్రేజ్ తక్కువేం కాదు. ఇప్పుడీ ఖాన్.. ఓ యాడ్ కోసం బాహుబలి భామతో కలిసి చిందులేశాడు.

బాహుబలి ఐటెం సాంగ్ లో ముగ్గురు భామల్లో ఒకరు నోరా ఫతేహి. బాహుబలి వరకూ ఓ లెక్క... ఆ తర్వాత ఓ లెక్క అన్నట్లుగా ఈ భామ రేంజ్ మారిపోయింది. బాలీవుడ్ లో కూడా అవకాశాలను బాగానే పట్టేస్తోంది. అంతే కాదు.. కమర్షియల్స్ అండార్స్ మెంట్లు కూడా చేసేసుకుంటోంది నోరా ఫతేహి. ఇప్పుడో యాడ్ కోసం సైఫ్ ఆలీ ఖాన్-నోరా ఫతేహీలు తెగ చిందులు వేసేశారు.

జిమ్ సెంటర్ లో మొదలు పెట్టి - బీచ్ పార్టీకి వెళ్లిపోవడం.. అక్కడ డ్యాన్సులు వేస్తూ పార్టీలో మునిగితేలడం.. ఇదీ ఆ యాడ్ కాన్సెప్ట్. డ్రెసింగ్ కి సంబంధించిన ఈ కమర్షియల్ లో కలర్ ఫుల్ గా కనిపించింది నోరా. సైఫ్ కి జోడీగా భలే సెట్ అయిందనే టాక్ కూడా తెచ్చుకుంది. మొత్తానికి బాహుబలి.. అమ్మడి రేంజ్ ని బాగానే పెంచేసింది.