ప్ర‌భాస్ 'డార్లింగ్' సిస్ బ‌రిలో

బాహుబ‌లి సినిమాకి `మ‌నోహ‌రి` స్పెషల్ ట్రీట్ ఎంత పెద్ద అస్సెట్ అయ్యిందో తెలిసిందే. ఆ పాట‌లో ప్ర‌భాస్ - రానాల‌తో పాటు జ‌క్క‌న్న కూడా క‌ల్లు కాంపౌండ్ లో ద‌ర్శ‌న‌మిచ్చాడు. ముగ్గురు ముగ్ధ‌లతో డార్లింగ్ వీర‌లెవ‌ల్లో రొమాన్స్ చేశాడు. అప్ప‌ట్లోనే ఆ ముగ్గురు భామ‌ల్లో నోరా ఫ‌తేహితో మ‌న ప్ర‌భాస్ రాజు ఆఫ్ ద స్క్రీన్ రొమాన్స్ న‌డిపించాడ‌న్న ప్ర‌చారం సాగింది. అదంతా పాత క‌థే అనుకుంటే.. ఇదిగో మ‌రో కొత్త క‌థ‌ను స్టార్ట్ చేసింది మ‌నోహ‌రి నోరా ఫ‌తేహి.

నోరా ముంబై ఇండ‌స్ట్రీలో బిజీ సెల‌బ్రిటీ. అక్క‌డ ఐటెమ్ భామ‌గా రాణిస్తూనే - ప‌లు చిత్రాల్లోనూ న‌టిస్తోంది. ఆ క్ర‌మంలోనే ముంబై ఇండ‌స్ట్రీలో త‌న రేంజును విస్త‌రిస్తోంద‌ని అర్థ‌మ‌వుతోంది. ఈ భామ‌తో పాటు మ‌రో కొత్త అందం బ‌రిలో దిగేందుకు రెడీ అవుతోంద‌ని తాజాగా వైర‌ల్ భ‌యానీ వీడియో రివీల్ చేసింది. చూసేందుకు అచ్చం ఇలియానా-2లా ఉన్న ఈ అమ్మ‌డు కూడా ప‌రిశ్ర‌మలో స‌త్తా చాటేందుకే బ‌రిలో దిగిందా? అన్న సందేహాలు యూత్‌ ని నిలువ‌నీయ‌డం లేదు.

కొత్త వాళ్ల‌కు అవ‌కాశాలిచ్చేందుకు డార్లింగ్ ప్ర‌భాస్ ఎప్పుడూ ముందుంటాడు. అత‌డు న‌టిస్తున్న తాజా చిత్రం `సాహో`లో బాలీవుడ్ ముద్దుగుమ్మ శ్ర‌ద్ధా క‌పూర్‌ కి అవ‌కాశం ఇచ్చాడు. బాహుబ‌లిలో ఐటెమ్ నంబ‌ర్ లో న‌ర్తించిన నోరాకి ఈ చిత్రంలో అవ‌కాశం లేదు. ఇక‌పోతే `సాహో`లోనూ అదిరిపోయే పెప్పీ నంబ‌ర్ ఉంటుంద‌ని తెలిసింది. బ‌హుశా ఆ నంబ‌ర్‌ కి ఎవ‌రిని ఎంపిక చేసుకుంటున్నారో చూడాలి. ఇటీవ‌లే రిలీజైన స‌త్య‌మేవ జ‌య‌తే - స్త్రీ - కాయంకుల‌మ్ కొచ్చున్ని చిత్రాల్లో నోరా స్పెష‌ల్ నంబ‌ర్స్‌ తో ఉర్రూత‌లూగించింది. స‌ల్మాన్ భాయ్ `భ‌ర‌త్` చిత్రంలో నోరా అదిరే ఐటెమ్‌ నంబ‌ర్‌ తో దులిపేయ‌నుందిట‌. అలానే జాన్ అబ్ర‌హాం `బ‌ట్లా హౌస్‌` అనే చిత్రంలోనూ ఈ అమ్మ‌డు ట్యాలెంట్ చూపించేందుకు బ‌రిలో దిగిందిట‌.