వ‌ర్షంలో గొడుగు.. గొడుగులో మ‌నోహ‌రి.. ఇంకేం ఉంది?

వ‌ర్షంలో గొడుగు.. గొడుగులో మ‌నోహ‌రి.. ఇంకేం ఉంది? ఫోటోగ్రాఫ‌ర్లు అదే ప‌నిగా వెంట ప‌డ్డారు. నోరాజీ నోరాజీ.. మ్యామ్ మ్యామ్.. అంటూ వెంట‌ప‌డ్డారు కొంద‌రు. కెమెరా ఫ్లాష్ ల‌తో ఆ వీధి మొత్తం మెరుపులు మెరిసింది. చిట‌ప చినుకుల స‌వ్వ‌డిలో గ‌మ్మ‌త్త‌యిన సంగ‌తే బ‌య‌ట‌ప‌డింది. ఇంత‌కీ ఎక్క‌డ ఈ స‌న్నివేశం? అంటే..

మ‌నోహ‌రి అలియాస్ నోరా ఫ‌తేహి ముంబైలో షాపింగుకి వెళ్లింది. అక్క‌డ వెంట పడ్డ స్టిల్ ఫోటోగ్రాఫ‌ర్లు త‌న అంద‌చందాల్ని కెమెరాలో బంధించేందుకు త‌హ‌త‌హ‌లాడారు. నోరాజీ నోరాజీ ప్లీజ్ ప్లీజ్! అంటూ వెంటాడారు. ప్ర‌స్తుతం ఈ ఫోటోషూట్ అంత‌ర్జాలంలో వైర‌ల్ గా మారింది.

నోరా బ్లాక్ డ్రెస్ లో దుమారం రేపింది. బ్లాక్ స్పోర్ట్ ట్రాక్ షార్ట్ ధ‌రించిన నోరా బ్లాక్ టీష‌ర్ట్ ధ‌రించి దానికి కాంబినేష‌న్ గా ఒక సాధారణ బ్లాక్ అంబ్రిల్లాను చేత‌ప‌ట్టి అలా వ‌య్యారంగా న‌డిచొస్తుంటే అంత వాన‌లోనూ ఫోటోగ్రాఫ‌ర్ల‌కు చెమ‌ట‌లు ప‌ట్టేశాయ్. ఇక నోరా క్రేజు అంత‌కంత‌కు పెరుగుతోందే కానీ త‌ర‌గ‌డం లేద‌న‌డానికి ఇలాంటి నిద‌ర్శ‌నాలెన్నో. ఈ మొరాకో బ్యూటీ బెస్ట్ డ్యాన్స‌ర్ గా కితాబందుకుని వ‌రుసగా అవ‌కాశాలు అందుకుంటోంది.