గుబులు రేపుతున్న మ‌నోహ‌రి

`బాహుబ‌లి` చిత్రంలో మ‌నోహ‌రి గీతంలో నోరా ఫ‌తేహి నృత్యాల్ని అభిమానులు అంత తేలిగ్గా మ‌ర్చిపోలేరు. `మ‌నోహ‌రి..` గీతంలో ముగ్గురు భామ‌లు నటించినా జ‌నం క‌ళ్లు నోరాపై మాత్ర‌మే నిలిచాయంటే అర్థం చేసుకోవాలి. వెస్ట్ర‌న్ స్టైల్ .. సాల్సా, పోల్ డ్యాన్సుల్లో ఈ అమ్మ‌డి ఆహార్యం కొంటె త‌ల‌పుల్ని రాజేస్తుంది. అందుకే నోరాకి ప్ర‌పంచ‌వ్యాప్తంగా అసాధార‌ణ ఫాలోవ‌ర్స్ ఉన్నారు. ఈ బ్యూటీ నిరంత‌రం డ్యాన్సింగ్ వీడియోల్ని, జిమ్మింగ్ వీడియోలు, ఫోటోల్ని ఇన్ స్టాలో అభిమానుల‌కు చేర‌వేస్తూ వేడెక్కిస్తూనే ఉంటుంది.

అస‌లే కెన‌డియ‌న్ మూలాలు ఉన్న మొరాకో బ్యూటీ.. భార‌త‌దేశంతోనూ స‌త్సంబంధాలు ఉన్నాయి. బాలీవుడ్ లో సెటిల‌య్యాక తాను ఒక ఇండియ‌న్ ని అని చెప్పుకునేందుకే ఇష్ట‌ప‌డుతాన‌ని ఇదివ‌ర‌కూ ఓ ఇంట‌ర్వ్యూలో తెలిపింది. 2014లో `రోర్: టైగ‌ర్స్ ఆఫ్ ది సుంద‌ర్బ‌న్స్` అనే చిత్రంతో బాలీవుడ్ కి ప‌రిచ‌య‌మైంది. ఆ సినిమా బాక్సాఫీస్ వ‌ద్ద డిజాస్ట‌ర్ అయినా ఏకంగా ఎనిమిది సినిమాల‌కు సంత‌కం చేసి ఆశ్చ‌ర్య‌ప‌రిచింది. 2015లో ప్రకాష్ ఝా ద‌ర్శ‌క‌త్వం వ‌హించిన క్రేజీ కుక్క‌డ్ ఫ్యామిలీ అనే చిత్రంలో న‌టించింది. ఇమ్రాన్ హ‌ష్మి మిస్ట‌ర్ ఎక్స్ చిత్రంలో అదిరిపోయే ఐటెమ్ నంబ‌ర్ తో వేడెక్కించింది. ఆ త‌ర్వాత టాలీవుడ్ లో బాహుబ‌లి చిత్రంతో అడుగు పెట్టింది. ఇక్క‌డా నోరా ఫ‌తేహి ఐటెమ్ నంబ‌ర్లు హీటెక్కించాయి.

నోరా ప్ర‌స్తుతం సౌత్, నార్త్ రెండుచోట్లా అవకాశాలు అందుకుంటోంది. మ‌రోవైపు వేడెక్కించే ఫోటోషూట్ల‌ను సామాజిక మాధ్య‌మాల్లో అప్ లోడ్ చేస్తూ అంత‌కంత‌కు అగ్గి రాజేస్తోంది. తాజా ఫోటోషూట్ లో నోరా ఒంపు సొంపుల వయ్యారం కుర్ర‌కారుకు క‌నువిందు చేస్తోంది. ఈ ఫోటో సిరీస్ లో ర‌క‌ర‌కాల భంగిమ‌ల్లో ఈ అమ్మ‌డు ఇచ్చిన ఫోజులు జోరుగా వైర‌ల్ అయిపోతున్నాయ్.