కిలాడీ మ‌నోహ‌రి పిచ్చెక్కించే థై షో

ఐటమ్ గీతాల స్పెష‌లిస్ట్ నోరా ఫ‌తేహి ప‌రిచ‌యం అవ‌స‌రం లేదు. బాహుబ‌లి మ‌నోహ‌రిగా ఇప్ప‌టికే ప్ర‌భాస్ అభిమానుల గుండెల్లో గూడు క‌ట్టుకుంది ఈ భామ‌. బాలీవుడ్ లోనూ బ్లాక్ బ‌స్ట‌ర్ నంబ‌ర్ల‌తో అద‌ర‌గొట్టింది. దిల్బార్... ఓ సాకి సాకి... ప్యార్ దో ప్యార్.. లాంటి స్పెష‌ల్ నంబ‌ర్ల‌ తో మ‌తులు చెడగొట్టింది. తనవైన‌ నృత్య భంగిమ‌లు.. స్పీడ్ స్టెప్స్ తో కంటికి కునుకు క‌రువ‌య్యే ట్రీట్ ని ఇచ్చింది నోరా.

ప్ర‌స్తుతం ఈ భామ ధ‌నార్జ‌న‌లో త‌ల‌ మునక‌లుగా ఉంది. ఓ వైపు సినిమాలు.. మ‌రోవైపు ఐటమ్ నంబ‌ర్ల‌ తో హీట్ పెంచుతోంది. ఇటీవల వరుణ్ ధావన్ - శ్రద్ధా కపూర్ జంట‌గా నటించిన `స్ట్రీట్ డాన్సర్ 3డి`లో నోరా తెరపై మెరిసింది. ఈ మొరాకో బ్యూటీ డ్యాన్స్ ట్రాక్ యూత్ ని మైమ‌రిపించింది. బాలీవుడ్ లోనే ది బెస్ట్ డ్యాన్స‌ర్ల‌ లో ఒక‌త్తెగా నోరాకు గుర్తింపు ఉంది. ఆ గుర్తింపును మ‌రో స్థాయికి తీసుకెళ్లే మ‌రిన్ని ఐటమ్ నంబ‌ర్ల‌తో యూత్ ని అల‌రించేందుకు రెడీ అవుతోంద‌ట‌. ఇక స్ట్రీట్ డ్యాన్స‌ర్ 3డి సినిమా రిజ‌ల్ట్ ఎలా ఉన్నా నోరాకు మాత్రం పేరొచ్చింది.

తాజాగా ఈ బ్యూటీ తన ఇన్‌స్టాగ్రామ్ లో అదిరిపోయే ఫోటోని షేర్ చేసింది. తొడ అందాల్ని ఎలివేట్ చేసే థై స్లిట్‌ స్టైలిష్ వైట్ గౌనులో క‌నిపించింది. ఈ డిజైన‌ర్ లుక్.. నోరా ఒంపుసొంపుల ఎలివేష‌న్ తో పాటు టోన్డ్ స్కిన్.. టోన్డ్ లెగ్స్ ని అంతే అందంగా ఎలివేట్ చేసింది. నోరా బాడీ లాంగ్వేజ్ కి త‌గ్గ డిజైన‌ర్ లుక్ ఇద‌న్న ప్ర‌శంస‌లు కురుస్తున్నాయి. ప్ర‌స్తుతం ఈ ఫోటో అంత‌ర్జాలం లో వైర‌ల్ గా షేర్ అవుతోంది. సోష‌ల్ మీడియా లో మ‌నోహరి రెగ్యుల‌ర్ ఫోటో ట్రీట్ కి భారీ ఫాలోయింగ్ ఉన్న సంగ‌తి తెలిసిందే.