ఇంటిలిజెంట్ లో తప్పుందా?

మెగా మేనళ్లుడు సాయి ధరమ్ తేజ్ ఎనర్జీకి ఇండస్ట్రీలో చాలా మంది దర్శకులు ఫిదా అవుతున్నారు. ఎలాగైనా సాయితో ఒక సినిమా చేయాలని ఆలోచిస్తున్నారు కూడా. ఎందుకంటే ఈ హీరో కష్టపడే విధానం కూడా ఆ విధంగా ఉంటుందట. ఒకసారి స్క్రిప్ట్ ఒకే చేశాక షూటింగ్ మధ్యలో చిన్న సిన్ గురించి కూడా అభ్యంతరం చెప్పాడట. సినీ ఇండస్ట్రీలో దర్శకుల హీరో అనే విధంగా మనోడు గుర్తింపు తెచ్చుకుంటున్నాడు.

ఇకపోతే ప్రస్తుతం వివి.వినాయక్ డైరెక్షన్ లో సాయి ఇంటిలిజెంట్ అనే సినిమాను చేస్తున్నాడు. దాదాపు సినిమా షూటింగ్ కూడా అయిపొయింది. అయితే సినిమాలో ఒక మిస్టేక్ అందరిని ఆలోచింపజేస్తోంది. ఎందుకంటే ఇంగ్లీష్ లో ఉన్న ఇంటిలిజెంట్ నేమ్ లో ఒక్కసారి ఉండాల్సిన t రెండు సార్లు ఉంది. ఎంతో మంది చదువుకున్న టెక్నీషియన్స్ వర్క్ చేస్తుంటారు కదా ఎవరు దీని గురించి పట్టించుకోలేదా అనే ఒక సందేహం రావచ్చు.

అయితే నిజానికి అది మిస్టేక్ కాదు. న్యూమరాలిజి - ఆస్ట్రాలజీ వల్ల వచ్చిన నేమ్ అని తెలుస్తోంది. గత కొంత కాలంగా సాయి ధరమ్ తేజ్ చాలా డిజాస్టర్స్ అందుకుంటున్నాడు. దీంతో ఆత్యాద్మిక దారిలో వెళ్లి సాయి తన అదృష్టాన్ని పరీక్షించుకుంటున్నాడు. అందుకే ఒక t యాడ్ చేసినట్లు చిత్ర యూనిట్ ద్వారా తెలుస్తోంది. మరి సాయి ఎంతవరకు విజయాన్ని అందుకుంటాడో చూడాలి. లావణ్య త్రిపాఠి హీరోయిన్ గా నటిస్తోన్న ఈ సినిమా ఫిబ్రవరి 9న రిలీజ్ కానుంది.