పుష్ప 2.. బన్నీలో ఈ తేడా గమనించారా?

స్టైలిష్ స్టార్ నుంచి ఐకాన్ స్టార్ గా మారిపోయిన అల్లు అర్జున్ పుష్ప 1 సినిమాతో ఎలాంటి ఫలితాన్ని అందుకున్నాడో ప్రత్యేకంగా చెప్పనవసరం లేదు. ఆ సినిమా అందించిన విజయంతో ఇప్పుడు అతను దేశవ్యాప్తంగా క్రేజ్ అందుకుంటున్నాడు. ఆ సినిమా సాధించిన రికార్డులతో ఇప్పుడు సెకండ్ పార్ట్ ను అంతకుమించి అనేలా తెరపైకి తీసుకురాబోతున్నారు. అయితే పుష్ప సెకండ్ పార్ట్ కు సంబంధించిన అనేక రకాల విషయాలు ఇదివరకే అభిమానుల్లో కొంత కన్ఫ్యూజన్ కు గురిచేసాయి.

అంతేకాకుండా అందులోని కొన్ని డైలాగ్స్ కూడా సోషల్ మీడియాలో లీకైన విషయం తెలిసిందే. ఇప్పటికే షూటింగ్ అయితే కేవలం ఐదు రోజులు మాత్రమే జరిగింది. ఇంకా చాలా షూటింగ్ పూర్తి చేయాల్సి ఉంది అని సుకుమార్ కూడా 18 పేజెస్ ఫ్రీ రిలీజ్ ఈవెంట్లో క్లారిటీ ఇచ్చాడు. అయితే తప్పకుండా మాత్రం సినిమా అంతకుమించి అనేలా ఉంటుంది అని ఈసారి తగ్గేదేలే అంటూ అల్లు అర్జున్ సైతం అదే తరహాలో పుష్ప 2 అప్డేట్ అయితే ఇచ్చాడు.

ఇక పుష్ప 2 సినిమాలో అల్లు అర్జున్ మొత్తం డిఫరెంట్ గెటప్ లో కనిపించబోతున్నట్లు అర్థమవుతుంది. ఎందుకంటే పుష్ప ఫస్ట్ పార్ట్ లో హెయిర్ స్టైల్ విషయంలో బన్నీ కాస్త డిఫరెంట్ గా కనిపించాడు. అయితే ఈసారి జుట్టు ఇంకాస్త ఎక్కువగా ఉండే విధంగా జాగ్రత్తలు తీసుకున్నట్లుగా తెలుస్తోంది. 18 పెజెస్ ఈవెంట్ లో అల్లు అర్జున్ న్యూ లుక్ అయితే చాలా అద్భుతంగా ఉంది ఇక.

అందులో హెయిర్ ఎక్కువగా ఉండడంతో సుకుమార్ మరింత డిఫరెంట్ గా చూపించబోతున్నట్లు కూడా క్లారిటీ వచ్చేసింది. ఇక అందుకు సంబంధించిన ఫోటోలు కూడా ప్రస్తుతం సోషల్ మీడియాలో వైరల్ గా మారుతున్నాయి. ఇక పుష్ప 2 సినిమాను వచ్చే ఏడాది చివరలో లేదా 2024 లో సమ్మర్లో ప్రేక్షకుల ముందుకు తీసుకురావచ్చు అని టాక్ అయితే వినిపిస్తోంది. మరి ఆ సినిమా బాక్సాఫీస్ వద్ద ఎలాంటి సంచలనాలను క్రియేట్ చేస్తుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.