మెగాస్టార్ తరువాత జూ.ఎన్టీఆరే

ఏ ఈవెంట్ జరిగినా దానికి ఇన్ వైట్ చేస్తే మెగాస్టార్ మాగ్జిమం అటెండవుతారనే ఇండస్ట్రీలో గుర్తింపు ఉంది. అందుకే దాసరి నారాయణరావు తరవాత చిరంజీవి ఇండస్ట్రీకి పెద్ద దిక్కుగా ఉండాలని చాలామంది ఆశించారు. కానీ మెగాస్టార్ మాత్రం ఆ విషయాన్ని ఎందుకో పరిగణనలోకి తీసుకోలేదు. పరిశ్రమలో చిన్నా.. పెద్ద తేడా లేకుండా వీలున్న ప్రతి ఫంక్షన్ కు చిరంజీవి అటెండవుతూనే ఉన్నారు. చిరంజీవి రాక చాలా సినిమాల ప్రమోషన్లకు ప్లస్ పాయింట్ అయింది.

చిరంజీవి తరవాత ఇండస్ట్రీలో ఇతర హీరోలకు హెల్పింగ్ హ్యాండ్ గా నిలుస్తోంది జూనియర్ ఎన్టీఆరే. వీలైనంత వరకు వేరే హీరోల ఫంక్షన్లకు అటెండయి నాలుగు మంచి మాటలు చెప్పి సినిమాకు బజ్ తీసుకొచ్చేందుకు ప్రయత్నిస్తుంటాడు. తాజాగా మహానటి ప్రీ రిలీజ్ ఈవెంట్ కు హాజరై ఆ సినిమా గురించి చాలా గొప్పగా మాట్లాడాడు. ఇది ఆ సినిమాకు చాలా ప్లస్సయింది. తాజాగా కమల్ హాసన్ హీరోగా నటిస్తున్న విశ్వరూపం -2 సినిమా ట్రయిలర్ ను యంగ్ టైగర్ స్వయంగా లాంచ్ చేశాడు. అస్సలు బజ్ లేని విశ్వరూపం-2 సినిమా ఎన్టీఆర్ రాకతో కాస్త వార్తల్లోకొచ్చింది.

ఎన్టీఆర్ రీసెంట్ గా మహేష్ బాబు లేటెస్ట్ మూవీ భరత్ అనే నేను సినిమా ప్రీ రిలీజ్ ఈవెంట్ కు హాజరయ్యాడు. ఆ టైంలో మహేష్ ను పొగుడుతూ ఎన్టీఆర్ చేసిన ప్రసంగం మహేష్ ఫ్యాన్స్ ను సైతం ఇంప్రెస్ చేసింది. ఇప్పుడు కమల్ హాసన్ లాంటి పేరున్న హీరో సినిమా ట్రయిలర్ లాంచ్ కు కూడా పిలవగానే వెంటనే రావడం అభిమానులను ఎంతగానో మెప్పిస్తోంది. ఈ విషయంలో చిరు తరవాత ఎన్టీఆరే అన్నమాట ఇండస్ట్రీ నుంచే వినిపిస్తోంది.