కళ్యాణ్ రామ్ బర్త్ డే: ఎన్టీఆర్-అభయ్ ట్రీట్..

హీరో - నిర్మాత నందమూరి కళ్యాణ్ రామ్ 40ఏళ్లు పూర్తి చేసుకున్నారు. ఈ సందర్భంగా తన తమ్ముడు - హీరో అయిన జూనియర్ ఎన్టీఆర్ తో కలిసి బర్త్ డే వేడుకలను ఘనంగా జరుపుకున్నారు. ఈ మధ్యకాలంలో ఎన్టీఆర్ - కళ్యాణ్ రామ్ ల మధ్య అనుబంధం ఎక్కువైంది. ఈవెంట్స్ కు ఇద్దరూ కలిసి వెళ్లడం.. ఒకరి బర్త్ డేలను మరొకరు సెలబ్రేట్ చేస్తున్నారు. ఈ పరిణామాలు నందమూరి అభిమానుల్లో ఆనందాన్ని రెట్టింపు చేస్తోంది.

తాజాగా కళ్యాణ్ రామ్ బర్త్ డేని ఎన్టీఆర్ ఘనంగా సెలబ్రేట్ చేశాడు. అన్నయ్యతో కేక్ కట్ చేయించి తినిపించాడు. బర్త్ డే వేడుకల్లో ఎన్టీఆర్ తనయుడు అభయ్ రామ్ కూడా ఉన్నాడు. కళ్యాణ్ రామ్ బర్త్ డేకి సంబంధించిన ఫొటోలు ప్రస్తుతం వైరల్ గా మారాయి.

కళ్యాణ్ రామ్ తాజాగా తన 16వ సినిమాను కేవీ గుహాన్ దర్శకత్వంలో చేయబోతున్నాడు. ఆయన బర్త్ డే సందర్భంగా ఫస్ట్ లుక్ విడుదల చేశారు. ఈ పోస్టర్ అభిమానులను అలరిస్తోంది. నివేదా థామస్ - షాలిని పాండే కథానాయకులుగా నటిస్తున్న ఈ చిత్రం పూర్తి వివరాలు త్వరలోనే వెల్లడవుతాయి.

ఇక జూనియర్ ఎన్టీఆర్ ఆరవింద సమేత చిత్రంతో బిజీగా ఉన్న సంగతి తెలిసిందే.. త్రివిక్రమ్ దర్శకత్వంలో తెరకెక్కుతున్న ఈ చిత్రం దసరా కానుకగా విడుదల కానుంది.