ఎన్టీఆర్ - బ‌న్నీ పోటాపోటీ..

ఈ త‌రం టాలీవుడ్ హీరోల్లో తిరుగులేని డ్యాన్స‌ర్లున్నారు. ఐతే వాళ్లంద‌రిలో బెస్ట్ డ్యాన్స‌ర్ ఎవ‌రు అంటే.. ప్ర‌ధానంగా చ‌ర్చ ఎన్టీఆర్‌, అల్లు అర్జున్ ల మ‌ధ్య న‌డుస్తుంది. చిరంజీవి త‌ర్వాత తెలుగు సినిమాల్లో డ్యాన్స్ మూమెంట్స్ ని మ‌రో స్థాయికి తీసుకెళ్లిన ఘ‌న‌త వీళ్లిద్ద‌రికీ ద‌క్కుతుంది. డ్యాన్సుల విష‌యంలో వీళ్లిద్ద‌రి మ‌ధ్య క‌నిపించ‌ని శ‌త్రుత్వం న‌డుస్తుంటుంది. ఎప్ప‌టిక‌ప్పుడు ఒక‌రికొక‌రు స‌వాళ్లు విసురుకుంటూ ఉంటారు. గ‌త ఏడాది వ‌ర‌కు బ‌న్నీది కొంచెం పైచేయి ఉండేది కానీ.. ఈ ఏడాది ఆరంభంలో ఎన్టీఆర్ టెంప‌ర్ సినిమా టైటిల్ సాంగ్ లో న‌భూతో అన్న రీతిలో డ్యాన్సులేసి.. బ‌న్నీకి ఛాలెంజ్ విసిరాడు. బ‌న్నీ స‌న్నాఫ్ స‌త్య‌మూర్తి సినిమాలో డ్యాన్సులు బాగానే వేశాడు కానీ.. అభిమానులు అత‌డి నుంచి ఇంకా బెట‌ర్ ఔట్ పుట్ ఆశించారు.

దీంతో బ‌న్నీ త‌న త‌ర్వాతి సినిమా స‌రైనోడులో డ్యాన్సుల మీద ప్ర‌త్యేకంగా దృష్టిపెట్టిన‌ట్లు స‌మాచారం. మ‌ళ్లీ ఆర్య-2 త‌రహాలో డ్యాన్సుల్లో కొత్త ట్రెండ్ క్రియేట్ చేయాల‌ని ప‌ట్టుద‌ల‌తో ఉన్నాడ‌ట అల్లు అర్జున్‌.త‌మ‌న్ తో మాంచి డాన్స్ నంబ‌ర్లు చేయించుకుని.. విభిన్న‌మైన స్టెప్పులు కంపోజ్ చేయించుకుని రిహార్స‌ల్స్ చేస్తున్నాడ‌ట బ‌న్నీ. త్వ‌ర‌లో పాట‌ల చిత్రీక‌ర‌ణ జ‌ర‌గ‌నుంది. బ‌న్నీ స్టెప్పులతో స్క్రీన్లు షేకైపోవ‌డం ఖాయ‌మ‌ని యూనిట్ స‌భ్యులు అంటున్నారు.మ‌రోవైపు ఎన్టీఆర్ సైతం నాన్న‌కు ప్రేమ‌తో సినిమాలో ఓ రేంజిలో డ్యాన్సులు చేయ‌బోతున్న‌ట్లు స‌మాచారం. టెంప‌ర్ టైటిల్ సాంగ్ త‌ర‌హాలోనే ఇందులో ఓ మాస్ డ్యాన్స్ నంబ‌ర్ ఉంద‌ట‌. ప్ర‌స్తుతం రామోజీ ఫిలిం సిటీలో ఆ పాట చిత్రీక‌ర‌ణ మొద‌లు కాబోతోంద‌ట‌. ఇందుకోసం డ్యాన్స్ మాస్ట‌ర్ క‌ళ్లు చెదిరే డ్యాన్స్ మూమెంట్స్ కంపోజ్ చేశాడ‌ట‌. ఈ పాట‌తో డ్యాన్స్ ఫ్లోర్ మ‌రోసారి ద‌ద్ద‌రిల్లిపోవ‌డం ఖాయ‌మంటున్నారు. మొత్తానికి టాలీవుడ్ బెస్ట్ డ్యాన్స‌ర్లిద్ద‌రూ ఒక‌రికొక‌రు గ‌ట్టి స‌వాలే విసురుకోబోతున్నార‌న్న‌మాట‌.