#NTR27.. పెద్ద ఎన్టీఆర్ పక్కనే ఎన్టీఆర్

గత సెప్టెంబర్ లో జనతా గ్యారేజ్ మూవీతో సక్సెస్ సాధించిన జూనియర్ ఎన్టీఆర్.. కొత్త సినిమా ప్రారంభించేశాడు. ఇవాళ అధికారికంగా యంగ్ టైగర్ కొత్త మూవీ షూటింగ్ ప్రారంభమైంది. బాబీ దర్శకత్వంలో కళ్యాణ్ రామ్ నిర్మాణంలో తెరకెక్కనున్న ఈ చిత్రానికి.. ఇవాళ పూజా కార్యక్రమాలు నిర్వహించారు.

దేవుళ్ల పటాలపై తీసిన మొదటి షాట్ కు ఎన్టీఆర్ స్వయంగా తొలి క్లాప్ కొట్టగా.. పక్కనే సీనియర్ ఎన్టీఆర్ నిలువెత్తు ఫోటోను ఏర్పాటు చేయడం విశేషం. దర్శకుడు బాబీకి వివి వినాయక్ స్క్రిప్ట్ అందించగా.. ఈ పూజా కార్యక్రమాలకు నందమూరి హరికృష్ణ.. నందమూరి రామకృష్ణలు హాజరయ్యారు. ఇవాళ తొలిషాట్ షూటింగ్ జరుపుకున్న ఈ మూవీ రెగ్యులర్ షూటింగ్ ను ఫిబ్రవరి 15 నుంచి ప్రారంభించనున్నారు.

జై లవ కుశ అనే వర్కింగ్ టైటిల్ పై ఈ చిత్రం తెరకెక్కుతోంది. రాశి ఖన్నా.. నివేదా థామస్ లు హీరోయిన్లుగా నటిస్తుండగా.. వీరిద్దరూ ఎన్టీఆర్ తో తొలిసారి నటిస్తుండడం విశేషం. ఈ ఇద్దరు ముద్దుగుమ్మలకు టాప్ లీగ్ లోని స్టార్ హీరోతో సినిమా చేయడం కూడా ఇదే మొదటిసారి. మరోవైపు దేవిశ్రీ ప్రసాద్ ఈ చిత్రానికి సంగీతం అందిస్తుండగా.. ఆగస్ట్ 11న రిలీజ్ చేయాలనే లక్ష్యంతో షూటింగ్ షెడ్యూల్స్ ప్లాన్ చేసుకున్నాడు నిర్మాత నందమూరి కళ్యాణ్ రామ్.

Like Us on Facebook : https://www.facebook.com/Tupakidotcom/