ఎన్టీఆర్‌.. చరణ్‌ షో హిట్

ఎన్టీఆర్ హోస్టింగ్ చేస్తున్న ఎవరు మీలో కోటీశ్వరులు షో కర్టన్ రైజర్ కు రామ్ చరణ్ గెస్ట్ గా వచ్చిన విషయం తెల్సిందే. రామ్‌ చరణ్ వచ్చిన రెండు ఎపిసోడ్స్ కు భారీ ఎత్తున రేటింగ్ దక్కినట్లుగా జెమిని టీవీ వర్గాల వారు చెబుతున్నారు. రామ్‌ చరణ్ మరియు ఎన్టీఆర్‌ లు కలిసి ముచ్చటించడంతో పాటు చరణ్‌ తో ఎన్టీఆర్ ఆడిన ఆట అందరి దృష్టిని ఆకర్షించింది. ఇద్దరు కూడా చాలా విషయాలను మనసు విప్పి మాట్లాడుకున్నారు. అందుకే షో రెండు ఎపిసోడ్స్ కూడా భారీగా రేటింగ్‌ ను దక్కించుకుందట. ముఖ్యంగా ఆదివారం ఎపిసోడ్‌ కు అద్బుతమైన రేటింగ్ వచ్చింది అనేది బుల్లి తెర వర్గాల టాక్.

ఆదివారం ఎపిసోడ్ కు గాను 11.4 టీఆర్పీ రేటింగ్ ను దక్కించుకున్నారట. అదే రోజు వచ్చిన జాతి రత్నాలు సినిమాకు 10.2 రేటింగ్ దక్కింది. ఇక ప్రతిష్టాత్మకంగా మొదలు అయిన కుకింగ్ షో మాస్టర్‌ చెఫ్‌ షో కు మొదటి ఎపిసోడ్‌ కు గాను 4.1 రేటింగ్ వచ్చిందట. తమన్నా హోస్ట్‌ గా కొనసాగుతున్న ఈ షో పై మొదటి నుండి అంచనాలు భారీగా ఉన్నాయి. కాని షో టెలికాస్ట్‌ అయిన తర్వాత మాత్రం జనాలు పట్టించుకున్న దాఖలాలు కనిపించడం లేదు.

ఎన్టీఆర్‌ మరియు రామ్ చరణ్‌ లు చేసిన ఎవరు మీలో కోటీశ్వరులు రెండు ఎపిసోడ్స్ మంచి విజయాన్ని సొంతం చేసుకున్న నేపథ్యంలో త్వరలో వారు ఇద్దరు ఆర్ ఆర్‌ ఆర్‌ తో వచ్చి కూడా సక్సెస్ ను దక్కించుకుంటారు అనే నమ్మకంను అంతా వ్యక్తం చేస్తున్నారు. భారీ అంచనాల నడుమ రూపొందుతున్న ఎన్టీఆర్ షో ఎవరు మీలో కోటీశ్వరులు కు చరణ్‌ ఎపిసోడ్ తర్వాత కాస్త రేటింగ్‌ తగ్గింది అనేది టాక్. మరి ఆ విషయమై స్పష్టత రావాల్సి ఉంది. భారీ అంచనాల నడుమ రూపొందుతున్న ఆర్ ఆర్ ఆర్‌ సినిమాలో చరణ్ మరియు ఎన్టీఆర్‌ లు నువ్వా నేనా అన్నట్లుగా నటించారట. వచ్చే ఏడాదిలో జక్కన్న సినిమా విడుదల అవ్వబోతుంది.