ట్రిపుల్ యాక్షన్ మూవీ.. హ్యాట్రిక్ కాంబో

జూనియర్ ఎన్టీఆర్ సినిమా సినిమాకి తన రేంజ్ పెంచుకుంటూ దూసుకుపోతున్నాడు. టెంపర్ నుంచి ప్రారంభించి.. ఒకదాన్ని మించి ఒకటి చొప్పున వరుస విజయాలను నమోదు చేస్తున్నాడు. ఎన్టీఆర్ తన 27వ సినిమాతో ఈ మ్యాజిక్ రిపీట్ చేయాలని భావించడంలో ఆశ్చర్యం లేదు.

పవర్ తో ప్రూవ్ చేసుకుని సర్దార్ గబ్బర్ సింగ్ తో డీలా పడ్డ బాబీ డైరెక్షన్ లో ఎన్టీఆర్ మరుసటి చిత్రం రూపొందనున్న సంగతి తెలిసిందే. ఇప్పుడీ సినిమా కోసం సంగీత దర్శకుడిని ఫైనల్ చేసేశారు. రేపు షూటింగ్ అధికారికంగా ప్రారంభం కానుండగా.. మరోసారి దేవిశ్రీ ప్రసాద్ కే సంగీత బాధ్యతలు అప్పగించేస్తున్నాడు ఎన్టీఆర్. నాన్నకు ప్రేమతో.. జనతా గ్యారేజ్ మూవీలతో వరుసగా రెండు సక్సెస్ లు సాధించిన ఎన్టీఆర్-దేవిశ్రీలకు ఇది హ్యాట్రిక్ కాంబినేషన్ కానుంది.

ఈ చిత్రంలో ఎన్టీఆర్ మూడు కేరక్టర్లు చేయనుండగా.. ఈ మూవీలో ప్రోస్థటిక్ మేకప్ కోసం.. బాలీవుడ్ మేకప్ మ్యాన్ ను తీసుకొచ్చారు. ప్రస్తుతం రాశి ఖన్నా.. నివేదా థామస్ లను హీరోయిన్లుగా ఫైనలైజ్ చేయగా.. కళ్యాణ్ రామ్ నిర్మాణంలో తెరకెక్కనున్న ఈ చిత్రం ప్రారంభానికి ముందే ఆసక్తి పెంచేస్తోంది.

Like Us on Facebook : https://www.facebook.com/Tupakidotcom/