నందమూరి ''బ్రదర్స్‌'' పక్కాయేనా??

ఇప్పటికే మనం హీరో సూర్య డబుల్ యాక్షన్లో చేసిన ''బ్రదర్స్'' సినిమాను చూశాం. సినిమా ఫ్లాపైనప్పటికీ.. అందరూ చెప్పిన విషయం ఏంటంటే.. అసలు సినిమాలో సూర్య డబుల్ యాక్షన్ చేసేబదులు చక్కగా తెలుగులో ఒక క్యారెక్టర్ కు డబ్బింగ్ చెప్పిన తమ్ముడు కార్తిని పెట్టుకునుంటే బాగుండేదని అందరూ అనుకున్నారు. ఇప్పుడు నందమూరి బ్రదర్స్ మాత్రం అదే పని చేస్తారేమో అని తెలుస్తోంది.

ఆల్రెడీ కళ్యాణ్‌ రామ్ తన ''ఎన్టీఆర్ ఆర్ట్స్'' బ్యానర్ పై ''బాక్సర్'' అనే టైటిల్ రిజిష్టర్ చేయించాడు. వక్కంతం వంశీ లేదా పూరి జగన్ డైరక్షన్లో రూపొందే సినిమా కోసం ఈ టైటిల్ అని అప్పట్లో అందరూ చెప్పుకున్నారు కూడా. అయితే పూరి జగన్ తీయబోయే కథలో అటు కళ్యాణ్‌ రామ్ ఇటు జూ.ఎన్టీఆర్ కూడా నటించనున్నారట. ఈ సినిమాకు ''బ్రదర్స్'' అనే టైటిల్ పెడితే బాగుంటుందని అనుకున్నారు. ఇంతకీ ఈ సినిమాను ఎప్పుడు ఎనౌన్స్ చేస్తారు?

ఎల్లుండ హైదరాబాద్ లో జరుగబోయే ''ఇజం'' ఆడియో లాంచ్ రోజున ఈ సరిక్రొత్త సినిమా గురించి ప్రకటించే ఛాన్సుందని తెలుస్తోంది. ఖచ్చితంగా ఈ సినిమాతో ఇటు ఎన్టీఆర్ అటు కళ్యాణ్‌ రామ్‌ తమ సినిమాల స్థాయిని మరో ఎత్తుకు తీసుకెళతారని ఫ్యాన్స్ ఆశిస్తున్నారు. అసలింతకీ ఈ సినిమా పక్కాయేనా??

Like Us on Facebook : https://www.facebook.com/Tupakidotcom/