ఎన్టీఆర్‌-ప‌వ‌న్ ఫ్యాన్స్ క‌లిసిపోయారు..!

టాలీవుడ్‌ లో ఇప్పుడు ఒకే ఫ్యామిలీలో ఉన్న హీరోల మ‌ధ్యే స‌ఖ్య‌త ఉండ‌డం లేదు. అలాంటిది ఆ హీరోల అభిమానుల విష‌యంలో మాత్రం స‌ఖ్య‌త ఉంటుంద‌ని ఆశించ‌డం అత్యాశే అవుతుంది. ఇక ఒకే ఫ్యామిలీలో ఉన్న హీరోలంద‌రిని ఒకే ఫ్లెక్సీలో - క‌టౌట్లో చూడ‌డం కూడా క‌ష్ట‌మైపోతోంది. మెగా ఫ్యామిలీ విష‌యానికి వ‌స్తే ప‌వ‌న్ ఫ్యాన్స్ స‌ప‌రేటుగా ఉంటారు. ఇటీవ‌ల బ‌న్నీ కోసం ఆలిండియా అల్లు అభిమాన సంఘం అని ఓ ప్ర‌త్యేక సంఘం కూడా ఏర్పాటైంది. నందమూరి ఫ్యామిలీ అభిమానులు కూడా రెండుగా చీలిపోయారు. బాబాయ్ బాల‌య్య‌ - అబ్బాయ్ ఎన్టీఆర్ మ‌ధ్య వార్‌ తో నంద‌మూరి అభిమానులు కూడా రెండుగా చీలిపోయారు. ఇలా ఏ ఫ్యామిలీలో చూసినా హీరోలు - ఫ్యాన్స్ తామంతా ఒక్క‌టే అన్న ఉద్దేశ‌మే క‌న‌ప‌డ‌డం లేదు.

ఇలాంటి పరిస్థితుల్లో.. నందమూరి కుటుంబానికి చెందిన హీరో - మెగా ఫ్యామిలీ హీరోల ఫొటోలు ఒకే ఫ్లెక్సీలో కనిపిస్తే ఎలా ఉంటుంది? తూర్పుగోదావరి జిల్లా ముప్పాడ గ్రామంలో ఇలాంటి చిత్రమైన ఫ్లెక్సీనే దర్శనమిచ్చింది. 2016 నూన‌త సంవ‌త్స‌రం సంద‌ర్భంగా ముప్పాడ‌లో ఎన్టీఆర్‌-ప‌వ‌న్‌ క‌ళ్యాణ్ క‌లిసి ఉన్న ఫ్లెక్సీని ఏర్పాటు చేశారు ఉమ్మ‌డి ఫ్యాన్స్‌. త‌మ అభిమాన హీరోల‌తో పాటు గ్రామ‌స్తుల‌కు కూడా నూత‌న సంవ‌త్స‌ర శుభాకాంక్ష‌లు చెపుతూ ఈ ఫ్లెక్సీ వేయించారు ఇద్ద‌రు అభిమానులు. ఇప్పుడు ఈ ఫ్లెక్సీ ఆ ఊరు ప్ర‌జ‌ల‌కు ఎలా ఉన్నా ఓవ‌రాల్‌గా మాత్రం సోష‌ల్ మీడియాలో పెద్ద చ‌ర్చ‌నీయాంశంగా మారింది. నందమూరి, మెగా అభిమానుల మధ్య ఉన్న ఆధిప‌త్యం కోసం వార్ ఉన్నా ఇప్పుడు ఈ రెండు ఫ్యామిలీల‌కు చెందిన స్టార్ హీరోల‌తో ఫ్లెక్సీ ఏర్పాటు చేయ‌డం ఆశ్చ‌ర్య‌క‌ర‌మైన విష‌య‌మే అనుకోవాలి.