ఎన్టీఆర్ కొత్త సినిమా పేరు 'అభిరామ్'?

యాభై కోట్ల పై బడ్డ వసూళ్లు. రికార్డులు బద్దలు కొట్టే సినిమా... ఇదీ ఎన్టీఆర్ టార్గెట్. ఇందుకోసం క్రియేటర్ గా పేరొందిన డైరెక్టర్ సుకుమార్ తో కలిసి ఓ చిత్రాన్ని చేస్తున్నాడు. ఈ సినిమాకి వర్కింగ్ టైటిల్ నాన్నకు ప్రేమతో. దీన్నే ఫైనల్ చేస్తారని అనుకున్నారు. ఫాదర్ సెంటిమెంట్ బాగా ఉండడంతో... ఇదే యాప్ట్ గా సెట్ అవుతుందని సుకుమార్ ఫీలయ్యాడు. కానీ... ఇంత సాఫ్ట్ టైటిల్ ని యాక్సెప్ట్ చేయలేకపోయాడు. ఈ విషయాన్ని స్ట్రయిట్ చెప్పేయడంతో... ఇంకో టైటిల్ వెతుక్కోక తప్పలేదు.

ఈ మూవీ మేకింగ్ లో కూడా తన సలహాలు, సూచనలు అందిస్తున్న యంగ్ టైగర్ మాటలకు... సుకుమార్ వాల్యూ ఇవ్వక తప్పలేదు. చివరికి హీరో కేరక్టర్ పేరుతో.. అభిరామ్ అని ఫిక్స్ చేస్తున్నట్లు తెలుస్తోంది. అభిరామ్ టైటిల్ ని నిర్మాత రిజిస్టర్ చేయడంతో.. ఈ విషయం వెల్లడైంది. అయితే ఇదే తమ మూవీ టైటిల్ అని... హీరో, డైరెక్టర్, ప్రొడ్యూసర్ లలో ఎవరూ కన్ ఫాం చేయలేదు. ఇప్పటికే యూరోప్ లో 80శాతం షూటింగ్ పూర్తి చేసుకుంది ఈ సినిమా, దీంతో ఫారిన్ షెడ్యూల్ పూర్తయిపోయినట్లే. మిగిలిన భాగాన్ని ఇండియాలోనే షూట్ చేయబోతున్నారు.