ఎన్టీఆర్ కొత్త లుక్ కుశ ఇదే!!

జూనియర్ ఎన్టీఆర్ స్పీడ్ పెంచేశాడు. ఇప్పటి వరకూ జై లవ కుశ మూవీ ప్రమోషన్స్ వేగం పుంజుకోలేదని అభిమానులు కాసింత టెన్షన్ పడుతుండగా.. ఇప్పడు ఒకదాని వెంట ఒకటి అప్డేట్స్ వచ్చేస్తున్నాయి. నిన్నటికి నిన్న లవ కుమార్ టీజర్ విడుదల చేసింది ఎన్టీఆర్ అండ్ టీం. మంచితనం మూర్తీభవించిన అమాయకుడిగా ఎన్టీఆర్ లుక్ కి జనాల నుంచి మిక్సెడ్ రెస్పాన్స్ రావడంతో.. డ్యామేజ్ కంట్రోల్ కోసం ఇవాళ కుశ లుక్ ను కూడా విడుదల చేసేయడం విశేషం.

కుశ పోస్టర్లను విడుదల చేసిన టీం.. యంగ్ టైగర్ ను ఎనర్జిటిక్ గా చూపించడం విశేషం. పొడుగు జుట్టుతో ఎన్టీఆర్ డిఫరెంట్ గా కనిపిస్తున్నాడు జూనియర్. ఈ కేరక్టర్ ను పక్కాగా మాస్ అఫ్పీల్ తో డిజైన్ విషయాన్ని చెప్పకనే చెప్పారు. కరెన్సీ నోట్ల మధ్య ఫైట్ చేస్తున్నట్లుగా ఇచ్చిన స్టిల్ కొంతమేర బాగుంది. నవ్వుతున్న పోస్టర్ లో బాగానే ఆకట్టుకుంటాడు ఎన్టీఆర్. అయితే.. ఎన్టీఆర్ గెటప్ విషయంలోనే మళ్లీ కామెంట్స్ మొదలైపోయాయి. కుశ లుక్ ను గతంలో ఎన్టీఆర్ చేసిన 'శక్తి' సినిమాలో గెటప్ తో పోల్చేస్తున్నారు చాలా మంది.

ఇలా పోస్టర్ వచ్చిందో లేదో.. అలా కామెంట్స్ మొదలైపోయాయి. అయితే.. మూడు కేరక్టర్లను బాగా విభిన్నంగా చూపించాలనే ప్రయత్నం చేసిన దర్శకుడు బాబీ.. జై పాత్ర పై తీసుకున్న శ్రద్ధ.. మిగిలిన కేరక్టర్లపై చూపించలేదని కూడా అంటున్నారు. ఏతావాతా చూస్తే.. జై లవ కుశలో జై పాత్ర విలన్ అయినా.. ఆ రోల్ కోసమే సినిమానా.. అదే స్థాయిలో హీరో పాత్ర ఉండాల్సిన అవసరం లేదా అనే కామెంట్స్ కూడా వినిపిస్తున్నాయి. మరి వీటికి కుశ టీజర్ వచ్చినపుడే కొంతైనా సమాధానం లభించే అవకాశం ఉంది.