జపాన్ లో ఎన్టీఆర్ క్రేజ్.. వాళ్ల ప్రేమకు తారక్ ఫిదా...!

యంగ్ టైగర్ ఎన్టీఆర్ నట విశ్వరూపం గురించి ఎంత చెప్పినా సరే తక్కువే. నేటితరం స్టార్ హీరోల్లో నవరసాలను అలీలగా పండించగల నటుడు, స్టార్ అంటే ముందుగా తనే అని చెప్పుకుంటారు. ముఖ్యంగా మైథలాజికల్ మూవీస్ చేయగలిగే సత్తా తనకే ఉందని ప్రూవ్ చేసుకున్నాడు.

నిన్ను చూడాలని టూ RRR ఎన్టీఆర్ కెరియర్ పరిశీలిస్తే తను టచ్ చేయని పాత్ర లేదని చెప్పొచ్చు. అయినా సరే తన దాహార్తి తీరలేదు. సరికొత్త పాత్రలతో ప్రేక్షకులను మరింత అలరించాలని భావిస్తాడు. అందుకే సినిమా సినిమాకు అతని నటన ఆడియన్స్ ని అబ్బురపరుస్తుంది.

ఎన్టీఆర్ రీసెంట్ మూవీ RRR వరల్డ్ వైడ్ గా సూపర్ రెస్పాన్స్ తెచ్చుకుంది. ఈ మూవీలో కొమరం భీమ్ పాత్రలో నటించాడు ఎన్టీఆర్. భీమ్ పాత్రతో మరోసారి తన సత్తా చాటాడు తారక్. రాజమౌళి దర్శకత్వంలో తెరకెక్కిన ఈ మూవీ వరల్డ్ ఆడియన్స్ ని మెప్పించింది.

బాహుబలి తర్వాత రాజమౌళి తెరకెక్కిన ఈ సినిమా అదే రేంజ్ ప్రశంసలు అందుకుంది. నెట్ ఫ్లిక్స్ లో ఈ సినిమా వరల్డ్ వైడ్ గా సూపర్ క్రేజ్ తెచ్చుకుంది. ప్రస్తుతం RRR సినిమాని జపాన్ లో రిలీజ్ చేస్తున్నారు. అక్టోబర్ 21న ట్రిపుల్ ఆర్ జపాన్ లో రిలీజ్ అవుతుంది. బాహుబలి సినిమాని కూడా అక్కడ రిలీజ్ చేసి హిట్ కొట్టాడు రాజమౌళి.

ఇప్పుడు RRR టైం వచ్చింది. జపాన్ లో రిలీజ్ అవుతున్న ఈ మూవీ ప్రమోషన్స్ చేసేందుకు చిత్రయూనిట్ జపాన్ వెళ్లింది. అక్కడ ప్రేక్షకుల నుంచి ఎన్టీఆర్, చరణ్ లకు సూపర్ రెస్పాన్స్ వచ్చింది. ఎన్టీఆర్ కి అయితే అక్కడ ఫ్యాన్స్ ఓ స్పెషల్ మెసేజ్ తో లెటర్ ఒకటి ఇచ్చారు. ఎన్టీఆర్ బస చేస్తున్న హోటల్ లో పనిచేస్తున్న ఓ మహిళ తనంటే ఎంత ఇష్టం అన్నది వారి మాటల్లో రాస్తూ ఓ లెటర్ ఇచ్చింది.

జపాన్ లో కూడా తనని అభిమానించే వారు ఉన్నారని తెలుసుకున్న ఎన్టీఆర్ వారి ప్రేమకు ఫిదా అయ్యాడు. అభిమాన మహిళకి షేక్ హ్యాండ్ ఇచ్చి ఆమెతో.. మిగతా అభిమానులతో కాసేపు మాట్లాడారు. ప్రస్తుతం ఎన్టీఆర్ జపాన్ అభిమానులు ఇచ్చిన లెటర్ అందుకున్న వీడియో సోషల్ మీడియాలో వైరల్ గా మారింది. తెలుగు హీరోల ఖ్యాతి ప్రపంచమంతా వెళ్తున్నందుకు తెలుగు ఆడియన్స్ కూడా సంతోషిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.