ఎన్టీఆర్‌ అభిమానులు ఆ రికార్డును సాధించారు

నందమూరి అభిమానులు మరోసారి సత్తా చాటారు. ఆర్‌ఆర్‌ఆర్‌ సినిమా నుండి వచ్చిన రామ రాజు ఫర్‌ భీమ్ వీడియో వ్యూస్ పరంగా రికార్డును సొంతం చేసుకుంది. ఇక ఇప్పటికే ఆ వీడియో కు మిలియన్‌ లైక్స్ దక్కడంతో ఎన్టీఆర్‌ అరుదైన ఘనత దక్కించుకున్నాడు. ఇప్పుడు మరో అరుదైన రికార్డును సొంతం చేసుకున్నాడు. నందమూరి అభిమానులు రామరాజు ఫర్‌ భీమ్ వీడియోకు ఎట్టి పరిస్థితుల్లో మిలియన్‌ కామెంట్స్‌ ను రాబట్టాలని అనుకున్నారు. అది సొంతం చేసుకున్నారు. నందమూరి అభిమానులకే సాధ్యం అయిన ఆ రికార్డు ఇప్పట్లో మరే హీరో అభిమానులు సాధించే అవకాశం లేదంటున్నారు.

ఆర్‌ఆర్‌ఆర్‌ సినిమాపై ఉన్న అంచనాల నేపథ్యంలో రామరాజు ఫర్‌ భీమ్‌ వీడియోపై అంచనాలు మొదటి నుండి భారీగా ఉన్నాయి. అంచనాలకు తగ్గట్లుగా ఉండటంతో నందమూరి అభిమానులతో పాటు అంతా కూడా ఆహా ఓహో అంటూ పొగడ్తల వర్షం కురిపించారు. భారీగా కామెంట్స్ నమోదు అయ్యాయి. అందుకే ఈ సినిమా పై వీడియో మరింతగా అంచనాలు పెంచిందని అంటున్నారు. ఎన్టీఆర్‌ అభిమానులు గతంలో ట్విట్టర్‌ లో పలు రికార్డులను నమోదు చేయడం జరిగింది. ఇప్పుడు యూట్యూబ్‌ లో కామెంట్స్ ను మిలియన్‌ మార్క్‌ కు చేర్చడంతో అరుదైన ఘనత దక్కించుకున్నారు.