ఎన్టీఆర్ కు విగ్రహం గిఫ్టిచ్చాడు

యంగ్ టైగర్ ఎన్టీఆర్ కి గిఫ్టింగ్ కల్చర్ బాగా ఎక్కువ. మిగతావాళ్లకి ఇచ్చే బహుమతుల సంగతేమో కానీ.. దర్శకులకు కాస్ట్లీ గిఫ్టులు ఇవ్వడంలో మాత్రం ఎన్టీఆర్ ఎప్పుడూ ముందుంటాడు. గతంలో శ్రీనువైట్ల - హరీష్ శంకర్ లకు కూడా ఇలాగే బహుమతులు ఇచ్చాడు. రీసెంట్ గా తన డైరెక్టర్ కొరటాల శివకు 20 లక్షల విలువ చేసే రిస్ట్ వాచ్ గిఫ్ట్ ఇచ్చాడు ఎన్టీఆర్.

ఇప్పుడు ఎన్టీఆర్ కి గిఫ్ట్ ఇచ్చి ఆశ్చర్యపరిచాడు మలయాళ సూపర్ స్టార్ మోహన్ లాల్. ఏప్రిల్ 14న మలయాళీ ఉగాది సందర్భంగా.. ఓ అద్భుతమైన బహుమతిని ఎన్టీఆర్ కి ఇచ్చాడట. అద్భుతంగా మలచిన ఓ వెండి శ్రీకృష్ణుడి విగ్రహమే ఆ బహుమతి. దీంతో పాటు.. కేరళ స్పెషల్ స్వీట్ కని ని కూడా అందంగా ప్యాక్ చేయించి తెచ్చిచ్చాడట మోహన్ లాల్

ప్రస్తుతం జనతా గ్యారేజ్ మూవీకోసం ఎన్టీఆర్ - మోహన్ లాల్ లపై సన్నివేశాలను తెరకెక్కిస్తున్నాడు కొరటాల శివ. రీసెంట్ గా విడుదలైన షూటింగ్ స్పాట్ ఫోటోలు.. సినిమాపై అంచనాలను మరింతగా పెంచేశాయి.