నెట్టింట ట్రెండ్ అవుతున్న ఎన్టీఆర్

'RRR' రిలీజ్ టైమ్ లో.. రిలీజ్ త‌రువాత‌ యంగ్ టైగ‌ర్ ఎన్టీఆర్ అభిమానులు నెట్టింట చేసిన ర‌చ్చ అంతా ఇంతా కాదు. త‌మ హీరోకు స‌రైన ప్రాధాన్య‌త ఇవ్వ‌లేదంటే ఇవ్వ‌లేద‌ని, చ‌ర‌ణ్ కు ప్రియారిటీ ఇచ్చారంటూ రాజ‌మౌళిపై నానా హంగామా చేశారు. ఆ త‌రువాత ఎన్టీఆర్ కే ప్ర‌ధానంగా ప్ర‌ధాన్య‌త ద‌క్కింద‌ని తెలుసుకుని నెట్టింట ప్ర‌చారం చేయ‌డం మొద‌లు పెట్టారు. ఇప్పుడు మ‌రో సారి నెట్టింట హంగామా చేయ‌డం మొద‌లు పెట్టారు. రామ్ చ‌ర‌ణ్‌, ఎన్టీఆర్‌క‌లిసి న‌టించిన 'RRR' వ‌ర‌ల్డ్ వైడ్ గా సంచ‌ల‌నాలు సృష్టిస్తున్న విష‌యం తెలిసిందే.

ఇప్ప‌టికే ప‌లు అంత‌ర్జాతీయ వేదిక‌ల‌పై ప‌లు అవార్డుల్ని ద‌క్కించుకుంటూ వ‌స్తున్న 'RRR' తాఆజ‌గా గోల్డెన్ గ్లోబ్ అవార్డుల‌కు నామినేట్ కావ‌డం తెలిసిందే. ఇదిలా వుంటే ఈ మూవీని ఆస్కార్ బ‌రిలోనూ నిల‌ప‌లాని ద‌ర్శ‌కుడు రాజ‌మౌళి విశ్వ‌ప్ర‌య‌త్నాలు చేస్తున్నారు. ఇప్ప‌టికే భారీ స్థాయిలో లాబీయింగ్ కోసం ఖ‌ర్చు చేసి ఓ రేంజ్ లో 'RRR'ని ప్ర‌మోట్ చేసిన రాజ‌మౌళి ప్ర‌స్తుతం ఆస్కార్ నామినేష‌న్స్ కోసం అసక్తిగా ఎదురు చూస్తున్నాడు.

హాలీవుడ్ కు చెందిన ప‌లువురు ద‌ర్శ‌కులు, టెక్నీషియ‌న్ లు , స్టార్స్ 'RRR' ఆస్కార్ కు నామినేట్ అవుతుంద‌ని ధీమా వ్య‌క్తం చేస్తున్న వేళ ఎన్టీఆర్ ఫ్యాన్స్ నెట్టింట ఎన్టీఆర్ హ్యాష్ ట్యాగ్ తో జోరుగా ప్ర‌చారం చేస్తుండటం వైర‌ల్ గా మారింది.

'RRR' ఆస్కార్ పై దేశ వ్యాప్తంగా తీవ్ర ఉంథ్కంఠ నెల‌కొన్న నేప‌థ్యంలో ఎన్టీఆర్ అభిమానులు #NTRForOscars #RRRForOscars అనే హ్యాష్ ట్యాగ్ ల‌ తో నెట్టింట ట్రెండ్ చేస్తున్నారు. ఖ‌చ్చితంగా 'RRR' ఆస్కార్ బ‌రిలో నిలుస్తుంద‌ని ధీమా వ్య‌క్తం చేస్తున్నారు.

అంతే కాకుండా యంగ్ టైగ‌ర్ ఎన్టీఆర్ కు ఆస్కార్ అవార్డ్ రావ‌డం ప‌క్కా అంటూ అందులోనూ త‌న‌కు బెస్ట్ యాక్ట‌ర్ గా అవార్డ్ వస్తుంద‌ని వ‌రుస ట్వీట్ లు చేస్తున్నారు. దీంతో #NTRForOscars అనే హ్యాష్ ట్యాగ్ నెట్టింట ట్రెండ్ గా మారి వైర‌ల్ అవుతోంది. మ‌రి ఫ్యాన్స్ ఊహించిన‌ట్టే RRR ఆస్కార్ బ‌రిలో నిలుస్తుందా?.. ఎన్టీఆర్ కు బెస్ట్ యాక్ట‌ర్ అవార్డుని తెచ్చిపెడుతుందా? అన్న‌ది వేచి చూడాల్సిందే. ఈ మూవీలో యంగ్ టైగ‌ర్ ఎన్టీఆర్ గోండు బెబ్బులి కొమురం భీం పాత్ర‌లో న‌టించి అబ్బుర ప‌రిచిన విష‌యం తెలిసిందే.

మెగా ప‌వ‌ర్ స్టార్ రామ్ చ‌ర‌ణ్ మ‌న్యం వీరుడు అల్లూరి సీతారామ‌రాజు పాత్ర‌లో న‌టించి త‌నదైన మార్కు న‌ట‌న‌తో ఆక‌ట్టుకున్నాడు. అయితే ఎన్టీఆర్ న‌టించిన కొమురం భీం పాత్రే RRR కు ప్ర‌ధాన ఆయువు ప‌ట్టుగా నిల‌వ‌డం విశేషం.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.