అప్పుడే 20లక్షల వాచ్ గిఫ్టిచ్చాడా

మిర్చితో ఇండస్ట్రీకి దర్శకుడిగా పరిచయమైన కొరటాల శివ.. మొదటి మూవీతోనే చాలా సంచలనాలు సృష్టించాడు. అప్పటివరకూ ప్రభాస్ కెరీర్ లోనే బిగ్గెస్ట్ హిట్ అందించిన కొరటాల.. సేమ్ ఫీట్ మహేష్ బాబుకి కూడా రిపీట్ చేశాడు. మహేష్ లాంటి సూపర్ స్టార్ తో శ్రీమంతుడు వంటి మూవీని తీసి మెప్పించిన విధానం ఇండస్ట్రీని బాగా ఆకట్టుకుంది. 80కోట్లకు పైగా షేర్ వసూళ్లతో.. టాలీవుడ్ లోనే సెకెండ్ బిగ్గెస్ట్ హిట్ సాధించి, స్టార్ డైరెక్టర్ల లీగ్ లోకి వెళ్లిపోయాడు కొరటాల శివ.

శ్రీమంతుడు సాధించిన సక్సెస్ మహేష్ ను మెస్మరైజ్ చేసింది. తన సంతోషాన్ని పంచుకునేందుకు కాస్ట్లీ గిఫ్ట్ ఇచ్చాడు మహేష్. ఆడి ఏ6 ని కొరటాలకు ప్రెజెంట్ చేసి ఆశ్చర్యపరిచాడు సూపర్ స్టార్. దాని ఎక్స్ షోరూం ఖరీదే 50 లక్షలు మరి. కొరటాలకి గిఫ్టింగ్ సీజన్ తో అక్కడితో అయిపోలేదు. ఇప్పుడు మరోసారి మొదలైంది. ప్రస్తుతం ఎన్టీఆర్ తో జనతా గ్యారేజ్ టైటిల్ పై ఓ సినిమా చేస్తున్నాడు ఈ డైరెక్టర్.

కొరటాల స్టైల్, సినిమా పై ఉన్న కాన్ఫిడెన్స్.. యంగ్ టైగర్ కి విపరీతంగా నచ్చాయట. అందుకే తన బెస్ట్ విషెస్ ని ఖరీదైన గిఫ్ట్ తో చెప్పాడు జూనియర్. ఇప్పుడు కొరటాలకు బహుమతిగా ఎన్టీఆర్ ఇచ్చిన వాచ్ ఖరీదు ఏకంగా 20 లక్షల రూపాయలు. ఇంకా షూటింగ్ లో స్టార్ట్ అవకుండానే 20 లక్షల వాచ్ అంటే.. ఇక ఎన్టీఆర్ కి కూడా కెరీర్ బిగ్గెస్ట్ హిట్ ఇస్తే.. అప్పుడెలాంటి బహుమతి అందుకుంటాడో!